ਖਮਾਣੋਂ : ਆਪਣੇ ਸਾਦਗੀ ਭਰੇ ਸੁਭਾਅ ਕਾਰਨ ਚਰਚਾ ਵਿਚ ਆਏ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਚੰਨੀ ਨੇ ਇਕ ਵਾਰ ਵਿਰ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਦਰਅਸਲ ਐਤਵਾਰ ਨੂੰ ਪਿੰਡ ਖੰਟ ਦੀ ਗਰਾਊਂਡ ਵਿਖੇ ਉਸ ਵਕਤ ਹੈਰਾਨੀ ਪਸਰ ਗਈ ਜਦੋਂ ਪਿੰਡ ਖੰਟ ਦੇ ਗੁਰੂ ਤੇਗ ਬਹਾਦਰ ਸਾਹਿਬ ਸੀਨੀਅਰ ਸੈਕੰਡਰੀ ਸਕੂਲ ਦੀ ਗਰਾਊਂਡ ’ਚ ਖੇਡ ਰਹੇ ਬੱਚਿਆਂ ਕੋਲ ਅਚਾਨਕ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦਾ ਹੈਲੀਕਾਪਟਰ ਉਤਰਿਆ। ਹੈਲੀਕਾਪਟਰ ’ਚੋਂ ਉਤਰਦਿਆਂ ਹੀ ਚੰਨੀ ਦੀ ਨਜ਼ਰ ਗਰਾਊਂਡ ’ਚ ਖੇਡਦੇ ਬੱਚਿਆਂ ’ਤੇ ਪਈ ਤਾਂ ਉਨ੍ਹਾਂ ਨੇ ਬੱਚਿਆਂ ਨੂੰ ਆਪਣੇ ਹੈਲੀਕਾਪਟਰ ’ਚ ਬਿਠਾਇਆ ਅਤੇ ਪਿੰਡ ਖੰਟ ਦੇ ਗੇੜੇ ਲਵਾਏ।
ਪਿੰਡ ਦੇ ਲੋਕ ਵੀ ਹੈਰਾਨ ਰਹਿ ਗਏ ਜਦੋਂ ਪਿੰਡ ਦੇ ਉੱਪਰ ਮੁੱਖ ਮੰਤਰੀ ਦਾ ਜਹਾਜ਼ ਗੇੜੀਆਂ ਲਾਉਂਦਾ ਵੇਖਿਆ। ਬੱਚਿਆਂ ਦੇ ਘਰ ਪਹੁੰਚਦਿਆਂ ਹੀ ਬੱਚਿਆਂ ਦੀਆਂ ਮਾਵਾਂ ਨੇ ਬੱਚਿਆਂ ਨੂੰ ਗੋਦ ’ਚ ਲੈ ਕੇ ਕਿਹਾ ਕਿ ਅੱਜ ਸਾਡੇ ਬੱਚੇ ਮੁੱਖ ਮੰਤਰੀ ਦੇ ਹੈਲੀਕਾਪਟਰ ’ਚ ਝੂਟੇ ਲੈ ਕੇ ਆਏ ਹਨ।
Credit : www.jagbani.com
