ਜਲੰਧਰ- ਜਲੰਧਰ ਦੇ ਅਰਬਨ ਅਸਟੇਟ ਸਥਿਤ ਮਸ਼ਹੂਰ ਚਾਰਟ ਸ਼ਾਪ ਬਿੱਟੂ ਪ੍ਰਦੇਸੀ ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਇਥੇ ਦੁਕਾਨ 'ਤੇ ਗਾਹਕਾਂ ਵੱਲੋਂ ਹੰਗਾਮਾ ਕੀਤਾ ਗਿਆ ਹੈ। ਦਰਅਸਲ ਦੁਕਾਨ ਤੋਂ ਪਾਪੜੀ ਚਾਟ ਲੈਣ ਗਏ ਇਕ ਗਾਹਕ ਵੱਲੋਂ ਸਨਸਨੀਖੇਜ਼ ਇਲਜ਼ਾਮ ਲਗਾਏ ਗਏ ਹਨ। ਸ਼ਿਵਨਗਰ ਦੇ ਰਹਿਣ ਵਾਲੇ ਸ਼ਾਂਤ ਮਲਿਕ ਨੇ ਦੱਸਿਆ ਕਿ ਉਹ ਰਾਤ ਕਰੀਬ 10 ਵਜੇ ਬਿੱਟੂ ਪ੍ਰਦੇਸੀ ਕੋਲੋਂ ਪਾਪੜੀ ਚਾਰਟ ਪੈਕ ਕਰਵਾ ਕੇ ਘਰ ਲੈ ਕੇ ਗਏ ਸਨ।
ਇਸ ਦੌਰਾਨ ਜਿਵੇਂ ਹੀ ਉਨ੍ਹਾਂ ਨੇ ਘਰ ਪਹੁੰਚ ਕੇ ਪਾਪੜੀ ਚਾਰਟ ਦੇ ਲਿਫ਼ਾਫ਼ੇ ਨੂੰ ਖੋਲ੍ਹ ਕੇ ਪਾਪੜੀ ਚਾਟ ਨੂੰ ਭਾਂਡੇ ਵਿਚ ਪਾਇਆ ਤਾਂ ਇਕ ਵੱਡੀ ਛਿਪਕਲੀ ਨਿਕਲ ਆਈ। ਇਸ ਤੋਂ ਬਾਅਦ ਉਹ ਤੁਰੰਤ ਮਾਮਲੇ ਦੀ ਸ਼ਿਕਾਇਤ ਲੈ ਕੇ ਬਿੱਟੂ ਪ੍ਰਦੇਸੀ ਦੀ ਦੁਕਾਨ 'ਤੇ ਪਹੁੰਚੇ। ਗ੍ਰਾਹਕ ਦਾ ਦੋਸ਼ ਹੈ ਕਿ ਦੁਕਾਨਦਾਰ ਦੀ ਸ਼ਿਕਾਇਤ 'ਤੇ ਧਿਆਨ ਦੇਣ ਦੀ ਗੱਲ ਤਾਂ ਦੂਰ, ਬਿੱਟੂ ਪ੍ਰਦੇਸੀ ਦੇ ਹੱਕ 'ਚ ਆਏ ਬਜ਼ਾਰ ਦੇ ਮੁਖੀ ਨੇ ਗਾਹਕ ਨਾਲ ਹੀ ਬਹਿਸ ਕਰਨੀ ਸ਼ੁਰੂ ਕਰ ਦਿੱਤੀ। ਇਸ ਮਾਮਲੇ ਵਿਚ ਜਦੋਂ ਮੀਡੀਆ ਨੇ ਦਖ਼ਲ ਦਿੱਤਾ ਤਾਂ ਪ੍ਰਧਾਨ ਕਾਰ ਵਿੱਚ ਬੈਠਦਿਆਂ ਹੀ ਨੌਂ-ਦੋ ਗਿਆਰਾਂ ਹੋ ਗਿਆ। ਇਸ ਦੌਰਾਨ ਗਾਹਕ ਵੱਲੋਂ ਲਾਏ ਦੋਸ਼ਾਂ ਤੋਂ ਬਾਅਦ ਬਿੱਟੂ ਪ੍ਰਦੇਸੀ ਦੇ ਸੰਚਾਲਕ ਦੁਕਾਨ ਦੇ ਸ਼ਟਰ ਬੰਦ ਕਰਕੇ ਚਲੇ ਗਏ।
ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਡਾਊਨਲੋਡ ਕਰਨ ਲਈ ਹੇਠਾਂ ਦਿੱਤੇ ਲਿੰਕ ’ਤੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Credit : www.jagbani.com
