ਲਖਨਊ- ਜਲਵਾਯੂ ਸਮਾਰਟ ਤਕਨਾਲੋਜੀ ਦੇ ਖੇਤਰ 'ਚ ਕੰਮ ਕਰਨ ਵਾਲੀ ਇਕ ਸਟਾਰਟਅੱਪ 'ਈਕੋਜ਼ਨ' ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦਾ ਨਵਾਂ ਇਨੋਵੇਸ਼ਨ ਸੋਲਰ ਏਸੀ 'ਐਕਸ ਲਾਈਨ' ਪੂਰੇ ਦਿਨ ਸਿਰਫ਼ ਸੂਰਜੀ ਊਰਜਾ ਨਾਲ ਨਾ ਸਿਰਫ਼ 6 ਤੋਂ 8 ਘੰਟੇ ਤੱਕ ਚੱਲਦਾ ਹੈ ਸਗੋਂ ਇਸ ਦਾ ਆਰਟੀਫੀਸ਼ੀਅਲ ਇੰਟੈਲੀਜੈਂਟ ਕੰਟਰੋਲਰ ਸੂਰਜ ਦੀਆਂ ਕਿਰਨਾਂ ਅਨੁਸਾਰ ਕੂਲਿੰਗ ਨੂੰ ਐਡਜਟਸ ਕਰਦਾ ਹੈ। ਈਕੋਜ਼ਨ ਦੇ ਸਹਿ-ਸੰਸਥਾਪਕ ਅਤੇ ਸੀਈਓ, ਦੇਵੇਂਦਰ ਗੁਪਤਾ ਨੇ ਦੱਸਿਆ ਕਿ ਲੰਬੀ ਬਿਜਲੀ ਕਟੌਤੀ ਦੌਰਾਨ ਵੀ ਠੰਡਕ ਦੇਣ ਵਾਲੀ ਜ਼ਰੂਰਤ ਨੂੰ ਪੂਰਾ ਕਰਨ ਲਈ ਡਿਜ਼ਾਈਨ ਕੀਤੀ ਗਈ ਮੂਲ ਸੋਲਰ ਏਸੀ ਤਕਨੀਕ ਨੂੰ ਆਕਰਸ਼ਕ ਬਣਾਉਂਦੀ ਹੈ। ਈਕੋਜ਼ਨ ਦਾ ਏਸੀ ਇਕ ਪੂਰੀ ਤਰ੍ਹਾਂ ਨਾਲ ਡਿਸੈਂਟ੍ਰਲਾਈਜ਼ਡ ਸਪੇਸ ਕੂਲਿੰਗ ਸਿਸਟਮ ਹੈ, ਜਿਸ 'ਚ ਦਿਨ 'ਚ ਬਿਜਲੀ ਦੀ ਲੋੜ, ਜਨਰੇਟਰ ਦੀ ਕੋਈ ਲੋੜ ਨਹੀਂ ਹੈ।
ਇਹ ਏਸੀ ਪੂਰੇ ਦਿਨ ਸਿਰਫ਼ ਸੂਰਜ ਦੀ ਰੌਸ਼ਨੀ 'ਤੇ 6-8 ਘੰਟੇ ਤੱਕ ਚੱਲਦਾ ਹੈ ਅਤੇ ਇਸ ਦਾ ਏਆਈ ਕੰਟਰੋਲਰ ਸੂਰਜ ਦੀਆਂ ਕਿਰਨਾਂ ਅਨੁਸਾਰ ਕੂਲਿੰਗ ਐਡਜਸਟ ਕਰਦਾ ਹੈ, ਜਿਸ ਨਾਲ ਬੱਦਲਾਂ ਦੇ ਸਮੇਂ ਵੀ ਠੰਡਕ ਬਣੀ ਰਹਿੰਦੀ ਹੈ। ਇਹ ਪੱਖੇ ਅਤੇ ਲਾਈਟ ਵਰਗੇ ਜ਼ਰੂਰੀ ਲੋਡਸ ਨੂੰ ਵੀ ਸਪੋਰਟ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਕੰਪਨੀ ਹੁਣ ਤੱਕ ਉੱਤਰ ਪ੍ਰਦੇਸ਼ 'ਚ ਸੋਲਰ ਏਸੀ ਦੀ ਵਿਕਰੀ ਦਾ ਅੰਕੜਾ 200 ਯੂਨਿਟਸ ਨੂੰ ਪਾਰ ਕਰ ਚੁੱਕਿਆ ਹੈ, ਜਿਸ 'ਚੋਂ ਸਿਰਫ਼ ਜੂਨ 'ਚ ਹੀ ਕਰੀਬ 100 ਯੂਨਿਟਸ ਗਏ ਹਨ। ਪਹਿਲਾਂ ਕੁਝ ਤਹਿਸੀਲਾਂ 'ਚ ਸੀਮਿਤ ਤੌਰ 'ਤੇ ਸ਼ੁਰੂ ਕੀਤੀ ਗਈ ਇਹ ਮੁਹਿੰਮ ਹੁਣ ਰਾਜ ਭਰ 'ਚ ਵੱਡੇ ਪੈਮਾਨੇ 'ਤੇ ਫੈਲਾਈ ਜਾ ਰਹੀ ਹੈ। ਉੱਤਰ ਪ੍ਰਦੇਸ਼ 'ਚ ਈਕੋਜ਼ਨ ਦੇ ਕੋਲ 20 ਤੋਂ ਵੱਧ ਡੀਲਰ ਅਤੇ 30 ਤੋਂ ਵੱਧ ਸਰਵਿਸਸ ਟੀਮਸ ਦਾ ਮਜ਼ਬੂਤ ਨੈੱਟਵਰਕ ਹੈ, ਜੋ ਗਾਹਕਾਂ ਨੂੰ ਨਾ ਸਿਰਫ਼ ਪ੍ਰੋਡਕਟ ਤੱਕ ਪਹੁੰਚ ਦਿਵਾਉਂਦਾ ਹੈ ਸਗੋਂ ਭਰੋਸੇਮੰਦ ਸਰਵਿਸਸ ਵੀ ਯਕੀਨੀ ਕਰਦਾ ਹੈ। ਗੁਪਤਾ ਨੇ ਕਿਹਾ ਕਿ ਦੇਸ਼ ਭਰ 'ਚ 3.5 ਲੱਖ ਤੋਂ ਵੱਧ ਸੋਲਰ ਇੰਸਟਾਲੇਸ਼ਨ (ਖੇਤੀਬਾੜੀ, ਕੋਲਡ ਸਟੋਰੇਜ਼ ਅਤੇ ਫੂਡ ਪ੍ਰੋਸੈਸਿੰਗ ਵਰਗੇ ਖੇਤਰਾਂ 'ਚ) ਕਰ ਚੁੱਕਿਆ ਈਕੋਜ਼ਨ, ਹੁਣ ਸਸਟੇਨੇਬੇਲ ਕੂਲਿੰਗ ਦੀ ਮੰਗ ਨੂੰ ਵੀ ਉਸੇ ਪੈਮਾਨੇ 'ਤੇ ਪੂਰਾ ਕਰਨ ਦੀ ਦਿਸ਼ਾ 'ਚ ਵੱਧ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Credit : www.jagbani.com
