ਖੁਸ਼ਖ਼ਬਰੀ ! Train ਦੀ ਟਿਕਟ ਬੁਕਿੰਗ ਸਮੇਂ ਨਹੀਂ ਹੋਵੇਗੀ ਪਰੇਸ਼ਾਨੀ , ਲੰਮੀ ਵੇਟਿੰਗ ਲਿਸਟ ਤੋਂ ਮਿਲੇਗਾ ਛੁਟਕਾਰਾ

ਖੁਸ਼ਖ਼ਬਰੀ !  Train ਦੀ ਟਿਕਟ ਬੁਕਿੰਗ ਸਮੇਂ ਨਹੀਂ ਹੋਵੇਗੀ ਪਰੇਸ਼ਾਨੀ , ਲੰਮੀ ਵੇਟਿੰਗ ਲਿਸਟ ਤੋਂ ਮਿਲੇਗਾ ਛੁਟਕਾਰਾ

ਬਿਜ਼ਨੈੱਸ ਡੈਸਕ : ਜੇਕਰ ਤੁਸੀਂ ਕਦੇ ਰੇਲ ਟਿਕਟ ਬੁੱਕ ਕਰਦੇ ਸਮੇਂ ਵੇਟਿੰਗ ਲਿਸਟ ਦੇਖ ਕੇ ਨਿਰਾਸ਼ ਹੋਏ ਸੀ, ਤਾਂ ਹੁਣ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਰੇਲਵੇ ਨੇ ਇੰਨਾ ਵੱਡਾ ਡਿਜੀਟਲ ਕਦਮ ਚੁੱਕਿਆ ਹੈ, ਜਿਸ ਨਾਲ ਪੁਸ਼ਟੀ(ਕੰਫਰਮ) ਕੀਤੀ ਟਿਕਟ ਮਿਲਣ ਦੀ ਸੰਭਾਵਨਾ ਪਹਿਲਾਂ ਨਾਲੋਂ ਕਿਤੇ ਵੱਧ ਹੋ ਗਈ ਹੈ।

ਦਰਅਸਲ, IRCTC ਨੇ ਆਪਣੇ ਔਨਲਾਈਨ ਟਿਕਟਿੰਗ ਸਿਸਟਮ ਨੂੰ ਸਾਫ਼ ਅਤੇ ਪਾਰਦਰਸ਼ੀ ਬਣਾਉਣ ਲਈ ਲਗਭਗ 2.5 ਕਰੋੜ ਜਾਅਲੀ ਜਾਂ ਸ਼ੱਕੀ ਯੂਜ਼ਰ ਆਈਡੀ ਨੂੰ ਅਯੋਗ ਕਰ ਦਿੱਤਾ ਹੈ। ਇਹ ਇੱਕ ਇਤਿਹਾਸਕ ਕਦਮ ਹੈ, ਜਿਸ ਨਾਲ ਟਿਕਟ ਦਲਾਲੀ ਅਤੇ ਧੋਖਾਧੜੀ 'ਤੇ ਵੱਡਾ ਰੋਕ ਲੱਗਣ ਦੀ ਉਮੀਦ ਹੈ।

ਪਛਾਣ ਕਿਵੇਂ ਕੀਤੀ ਗਈ?

ਸਰਕਾਰ ਵੱਲੋਂ ਸੰਸਦ ਵਿੱਚ ਦਿੱਤੇ ਗਏ ਜਵਾਬ ਵਿੱਚ ਇਹ ਖੁਲਾਸਾ ਹੋਇਆ ਕਿ ਇਨ੍ਹਾਂ ਆਈਡੀ ਦੇ ਬੁਕਿੰਗ ਪੈਟਰਨ ਦੀ ਜਾਂਚ ਐਡਵਾਂਸਡ ਡੇਟਾ ਵਿਸ਼ਲੇਸ਼ਣ ਦੀ ਮਦਦ ਨਾਲ ਕੀਤੀ ਗਈ ਸੀ। ਹੈਰਾਨੀ ਵਾਲੀ ਗੱਲ ਇਹ ਸੀ ਕਿ ਲੱਖਾਂ ਯੂਜ਼ਰ ਆਈਡੀ ਦਾ ਵਿਵਹਾਰ ਇੱਕੋ ਜਿਹਾ ਪਾਇਆ ਗਿਆ, ਜਿਸ ਨਾਲ ਇਹ ਸਪੱਸ਼ਟ ਹੋ ਗਿਆ ਕਿ ਇਹ ਆਮ ਯਾਤਰੀ ਨਹੀਂ ਸਨ ਸਗੋਂ ਸਕੈਲਪਿੰਗ ਜਾਂ ਟਿਕਟ ਦਲਾਲੀ ਵਿੱਚ ਸ਼ਾਮਲ ਯੂਜ਼ਰ ਸਨ।

ਹੁਣ ਆਧਾਰ ਤੋਂ ਬਿਨਾਂ ਤਤਕਾਲ ਟਿਕਟ ਨਹੀਂ ਮਿਲੇਗੀ

ਰੇਲਵੇ ਨੇ ਤਤਕਾਲ ਬੁਕਿੰਗ ਵਿੱਚ ਪਾਰਦਰਸ਼ਤਾ ਲਿਆਉਣ ਲਈ 1 ਜੁਲਾਈ, 2025 ਤੋਂ ਆਧਾਰ ਪ੍ਰਮਾਣੀਕਰਨ ਨੂੰ ਲਾਜ਼ਮੀ ਕਰ ਦਿੱਤਾ ਹੈ। ਇਸਦਾ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਟਿਕਟ ਉਸੇ ਵਿਅਕਤੀ ਲਈ ਬੁੱਕ ਕੀਤੀ ਗਈ ਹੈ ਜੋ ਅਸਲ ਵਿੱਚ ਯਾਤਰਾ ਕਰ ਰਿਹਾ ਹੈ।

ਟਰੈਵਲ ਏਜੰਟਾਂ 'ਤੇ ਕੱਸੀ ਲਗਾਮ

ਰੇਲਵੇ ਨੇ ਤੱਤਕਾਲ ਟਿਕਟ ਬੁਕਿੰਗ ਵਿੱਚ ਏਜੰਟਾਂ ਦੀਆਂ ਮਨਮਾਨੀਆਂ ਕਾਰਵਾਈਆਂ 'ਤੇ ਰੋਕ ਲਗਾ ਦਿੱਤੀ ਹੈ ਅਤੇ ਉਨ੍ਹਾਂ ਨੂੰ ਪਹਿਲੇ 30 ਮਿੰਟਾਂ ਲਈ ਬੁਕਿੰਗ ਕਰਨ ਤੋਂ ਰੋਕ ਦਿੱਤਾ ਹੈ ਤਾਂ ਜੋ ਆਮ ਯਾਤਰੀ ਨੂੰ ਤਰਜੀਹ ਮਿਲੇ ਅਤੇ ਪੁਸ਼ਟੀ(ਕੰਫਰਮ) ਕੀਤੀ ਟਿਕਟ ਮਿਲਣ ਦੀ ਸੰਭਾਵਨਾ ਵਧ ਜਾਵੇ।

ਡਿਜੀਟਲ ਭੁਗਤਾਨ ਅਤੇ OTP ਨਾਲ ਸਭ ਕੁਝ ਪਾਰਦਰਸ਼ੀ ਹੋ ਜਾਵੇਗਾ

ਡਿਜੀਟਲ ਭੁਗਤਾਨ, OTP ਤਸਦੀਕ ਵਰਗੀਆਂ ਵਿਸ਼ੇਸ਼ਤਾਵਾਂ ਹੁਣ ਰੇਲਵੇ ਦੇ ਯਾਤਰੀ ਰਿਜ਼ਰਵੇਸ਼ਨ ਸਿਸਟਮ (PRS) ਵਿੱਚ ਜੋੜੀਆਂ ਜਾ ਰਹੀਆਂ ਹਨ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਧੋਖਾਧੜੀ ਨੂੰ ਪੂਰੀ ਤਰ੍ਹਾਂ ਰੋਕਿਆ ਜਾ ਸਕੇ। ਇਸ ਨਾਲ ਟਿਕਟ ਬੁਕਿੰਗ ਪ੍ਰਕਿਰਿਆ ਵਧੇਰੇ ਸੁਰੱਖਿਅਤ ਅਤੇ ਉਪਭੋਗਤਾ-ਅਨੁਕੂਲ ਬਣ ਜਾਵੇਗੀ।

Credit : www.jagbani.com

  • TODAY TOP NEWS