ਨਵੀਂ ਦਿੱਲੀ – ਸਰਵਾਈਕਲ ਕੈਂਸਰ ਦੀ ਰੋਕਥਾਮ ਤੇ ਇਲਾਜ ਸੰਭਵ ਹੋਣ ਦੇ ਬਾਵਜੂਦ ਦੇਸ਼ ਭਰ ਵਿਚ ਲੱਗਭਗ 80,000 ਔਰਤਾਂ ਹਰ ਸਾਲ ਆਪਣੀ ਜਾਨ ਗੁਆ ਦਿੰਦੀਆਂ ਹਨ। ਉਹ ਵੀ ਉਸ ਵੇਲੇ ਜਦੋਂ ਉਹ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਚੰਗੇ ਦੌਰ ਵਿਚ ਹੁੰਦੀਆਂ ਹਨ ਅਤੇ ਪਰਿਵਾਰ ਤੇ ਕਰੀਅਰ ਵਿਚ ਮੁਕਾਮ ਬਣਾ ਚੁੱਕੀਆਂ ਹੁੰਦੀਆਂ ਹਨ।
ਇਹ ਜਾਣਕਾਰੀ ਏਮਸ ਦਿੱਲੀ ਦੇ ਰੇਡੀਏਸ਼ਨ ਓਂਕੋਲਾਜੀ ਵਿਭਾਗ ਦੇ ਡਾ. ਅਭਿਸ਼ੇਕ ਸ਼ੰਕਰ ਨੇ ਦਿੱਤੀ। ਉਨ੍ਹਾਂ ਕਿਹਾ ਕਿ ਸਰਵਾਈਕਲ ਕੈਂਸਰ ਚੌਥਾ ਸਭ ਤੋਂ ਆਮ ਕੈਂਸਰ ਹੈ ਜੋ ਹਿਊਮਨ ਪੈਪੀਲੋਮਾ ਵਾਇਰਸ (ਐੱਚ. ਪੀ. ਵੀ.) ਕਾਰਨ ਔਰਤਾਂ ਦੀ ਜਾਨ ਲੈ ਰਿਹਾ ਹੈ। ਇਹ ਵਾਇਰਸ ਜਿਨਸੀ ਸੰਪਰਕ ਰਾਹੀਂ ਫੈਲਦਾ ਹੈ ਅਤੇ ਵਧੇਰੇ ਸਮੇਂ ਤੱਕ ਰਹਿਣ ਨਾਲ ਗਰਭਾਸ਼ੇ ਗਲੂ ਦੇ ਕੋਸ਼ਿਕਾਵਾਂ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
ਖ਼ਤਰਨਾਕ ਪਰ ਰੋਕਥਾਮ ਯੋਗ
ਸਰਵਾਈਕਲ ਕੈਂਸਰ ਨੂੰ ਸਮੇਂ ਸਿਰ ਪਛਾਣ ਕੇ ਇਲਾਜ ਕੀਤਾ ਜਾ ਸਕਦਾ ਹੈ। HPV ਟੀਕਾਕਰਨ, ਨਿਯਮਤ ਸਕਰੀਨਿੰਗ (Pap Test, HPV Test) ਅਤੇ ਜਾਗਰੂਕਤਾ ਰਾਹੀਂ ਇਸ ਦੇ ਮਾਮਲਿਆਂ 'ਚ ਵੱਡੀ ਕਮੀ ਆ ਸਕਦੀ ਹੈ।
ਡਾਕਟਰਾਂ ਅਤੇ ਸਿਹਤ ਵਿਭਾਗਾਂ ਵੱਲੋਂ ਔਰਤਾਂ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਉਹ:
25 ਸਾਲ ਤੋਂ ਉੱਪਰ ਦੀ ਉਮਰ ਤੋਂ ਨਿਯਮਤ Pap Test ਕਰਵਾਉਣ
HPV ਦਾ ਟੀਕਾ ਲਗਵਾਉਣ
ਜਿਨਸੀ ਸਿਹਤ ਬਾਰੇ ਜਾਗਰੂਕ ਹੋਣ
ਲੰਬੇ ਸਮੇਂ ਦੀ ਵਾਈਟ ਡਿਸਚਾਰਜ ਜਾਂ ਪੇਲਵਿਕ ਦਰਦ ਨੂੰ ਅਣਡਿੱਠਾ ਨਾ ਛੱਡਣ
Credit : www.jagbani.com
