ਮੌੜ ਮੰਡੀ : ਸਥਾਨਕ ਸ਼ਹਿਰ ਅੰਦਰ ਚੋਰਾਂ ਦੇ ਹੌਂਸਲੇ ਇੰਨੇ ਬੁਲੰਦ ਹੋ ਗਏ ਹਨ ਕਿ ਉਨ੍ਹਾਂ ਨੇ ਮੋਟਰਸਾਈਕਲ ਅਤੇ ਕਾਰਾਂ ਆਦਿ ਦੀ ਚੋਰੀ ਨੂੰ ਛੱਡ ਕੇ ਰੋਡਵੇਜ਼ ਦੀਆਂ ਬੱਸਾਂ ਨੂੰ ਨਿਸ਼ਾਨਾ ਬਣਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪੀ. ਆਰ. ਟੀ. ਸੀ. ਦੇ ਇੰਸਪੈਕਟਰ ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਰਾਤ ਸਮੇਂ ਚੋਰਾਂ ਨੇ ਪੀ. ਆਰ. ਟੀ. ਸੀ. ਦੀਆਂ ਤਿੰਨ ਬੱਸਾਂ ਨੂੰ ਸਟਾਰਟ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਤੋਂ ਇਕ ਬੱਸ ਹੀ ਸਟਾਰਟ ਹੋਈ।
ਇਸ ਉਪਰੰਤ ਜਦ ਚੋਰ ਬੱਸ ਨੂੰ ਚੋਰੀ ਕਰ ਕੇ ਲਿਜਾ ਰਹੇ ਸੀ ਤਾਂ ਟਰੱਕ ਯੂਨੀਅਨ ਅਤੇ ਘੁੰਮਣ ਕੈਂਚੀਆਂ ਵਾਲੀ ਰੋਡ ’ਤੇ ਬਣੇ ਨਾਲੇ ’ਚ ਬੱਸ ਫਸ ਗਈ। ਇਸ ਤੋਂ ਬਾਅਦ ਚੋਰਾਂ ਦੇ ਹੋਸ਼ ਉੱਡ ਗਏ, ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਉਹ ਫੜ੍ਹੇ ਜਾਣਗੇ।
ਇਸ ਕਾਰਨ ਚੋਰਾਂ ਨੂੰ ਮਜ਼ਬੂਰੀ ਕਾਰਨ ਬੱਸ ਨੂੰ ਛੱਡ ਕੇ ਭੱਜਣਾ ਪਿਆ ਅਤੇ ਬੱਸ ਚੋਰੀ ਹੋਣ ਤੋਂ ਬੱਚ ਗਈ। ਇਸ ਸਬੰਧੀ ਥਾਣਾ ਮੌੜ ਦੇ ਮੁਖੀ ਤਰਨਦੀਪ ਸਿੰਘ ਦਾ ਕਹਿਣਾ ਹੈ ਕਿ ਬੱਸ ਡਰਾਈਵਰ ਕੁਲਦੀਪ ਸਿੰਘ ਦੇ ਬਿਆਨਾਂ ਦੇ ਆਧਾਰ ’ਤੇ ਮਾਮਲਾ ਦਰਜ ਕਰ ਕੇ ਪੜਤਾਲ ਕੀਤੀ ਜਾ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Credit : www.jagbani.com
