ਐਮਸਟਰਡਮ- ਅਮਰੀਕੀ ਟੀਵੀ ਜਗਤ ਦੇ ਮਸ਼ਹੂਰ ਅਦਾਕਾਰ ਐਂਥਨੀ ਗੇਅਰੀ ਦਾ 78 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਐਂਥਨੀ ਆਪਣੇ ਪ੍ਰਸਿੱਧ ਸੀਰੀਅਲ ‘ਜਨਰਲ ਹਸਪਤਾਲ’ ਵਿੱਚ ਲੂਕ ਸਪੈਂਸਰ ਦੇ ਕਿਰਦਾਰ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਦਾ ਦਿਹਾਂਤ ਐਮਸਟਰਡਮ ਵਿੱਚ ਐਤਵਾਰ ਨੂੰ ਹੋਇਆ। ਦੱਸਿਆ ਜਾ ਰਿਹਾ ਹੈ ਕਿ ਯੋਜਨਾਬੱਧ ਸਰਜਰੀ ਦੌਰਾਨ ਆਈਆਂ ਪੇਚੀਦਗੀਆਂ ਉਨ੍ਹਾਂ ਦੀ ਮੌਤ ਦਾ ਕਾਰਨ ਹੋ ਸਕਦੀਆਂ ਹਨ, ਹਾਲਾਂਕਿ ਅਧਿਕਾਰਤ ਕਾਰਨ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਐਂਥਨੀ ਗੇਅਰੀ ਨੇ ਆਪਣੇ ਲੰਬੇ ਕਰੀਅਰ ਦੌਰਾਨ 8 ਡੇ-ਟਾਈਮ ਐਮੀ ਅਵਾਰਡ ਜਿੱਤੇ ਅਤੇ ਕਈ ਵਾਰ ਨਾਮਜ਼ਦ ਵੀ ਹੋਏ। ‘ਜਨਰਲ ਹਸਪਤਾਲ’ ਦੇ ਐਗਜ਼ਿਕਿਊਟਿਵ ਪ੍ਰੋਡਿਊਸਰ ਫ੍ਰੈਂਕ ਵੈਲੇਨਟੀਨੀ ਨੇ ਉਨ੍ਹਾਂ ਦੇ ਦੇਹਾਂਤ ’ਤੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਗੇਅਰੀ ਦੀ ਅਦਾਕਾਰੀ ਅਤੇ ਲੂਕ ਸਪੈਂਸਰ ਦਾ ਕਿਰਦਾਰ ਹਮੇਸ਼ਾ ਟੀਵੀ ਜਗਤ ਵਿੱਚ ਜਿਉਂਦਾ ਰਹੇਗਾ।
Credit : www.jagbani.com
