ਜਬਰ-ਜ਼ਿਨਾਹ ਕਰ ਜ਼ਖ਼ਮਾਂ ’ਤੇ ਲਾਈਆਂ ਮਿਰਚਾਂ, ਫੇਵੀਕੁਇੱਕ ਨਾਲ ਜੋੜ ਦਿੱਤੇ ਬੁੱਲ੍ਹ, ਲੜਕੀ ਨੇ ਸੁਣਾਈ ਮੁੰਡੇ ਦੀ ਹੈਵਾਨ

ਨੈਸ਼ਨਲ ਡੈਸਕ– ਮੱਧ ਪ੍ਰਦੇਸ਼ ਦੇ ਗੁਨਾ ’ਚ ਇਕ ਨੌਜਵਾਨ ਨੇ ਗੁਆਂਢ ’ਚ ਰਹਿਣ ਵਾਲੀ ਇਕ ਲੜਕੀ ਨੂੰ ਬੰਧਕ ਬਣਾ ਲਿਆ ਤੇ ਉਸ ਦੀ ਬੈਲਟ ਤੇ ਪਾਣੀ ਦੀ ਪਾਈਪ ਨਾਲ ਕੁੱਟਮਾਰ ਕੀਤੀ। ਉਸ ਦਾ ਜ਼ੁਲਮ ਇਥੇ ਹੀ ਖ਼ਤਮ ਨਹੀਂ ਹੋਇਆ। ਉਸ ਨੇ ਲੜਕੀ ਦੇ ਜ਼ਖ਼ਮਾਂ ’ਤੇ ਮਿਰਚਾਂ ਲਗਾ ਦਿੱਤੀਆਂ। ਜਦੋਂ ਉਸ ਨੇ ਚੀਕਾਂ ਮਾਰੀਆਂ ਤਾਂ ਉਸ ਨੇ ਫੇਵੀਕੁਇੱਕ ਨੂੰ ਉਸ ਦੇ ਬੁੱਲ੍ਹਾਂ ’ਤੇ ਲਗਾ ਦਿੱਤਾ। ਕੱਲ ਉਹ ਕਿਸੇ ਤਰ੍ਹਾਂ ਨੌਜਵਾਨ ਦੇ ਚੁੰਗਲ ਤੋਂ ਬਚ ਕੇ ਘਰ ਪਹੁੰਚੀ। ਲੜਕੀ ਦੀਆਂ ਅੱਖਾਂ ਤੇ ਮੂੰਹ ਖ਼ੂਨ ਨਾਲ ਲੱਥਪੱਥ ਸਨ। ਇਸ ਸਬੰਧੀ ਪੀੜਤਾ ਦੀ ਮਾਂ ਨੇ ਪੁਲਸ ਨੂੰ ਸੂਚਨਾ ਦਿੱਤੀ।

ਜਾਣਕਾਰੀ ਮੁਤਾਬਕ ਸ਼ਹਿਰ ਦੇ ਨਾਨਖੇੜੀ ਇਲਾਕੇ ’ਚ 23 ਸਾਲਾ ਲੜਕੀ ਨੇ ਪੁਲਸ ਨੂੰ ਸ਼ਿਕਾਇਤ ਦਿੱਤੀ ਹੈ। ਉਸ ਨੇ ਦੱਸਿਆ ਕਿ ਪਿਛਲੇ ਇਕ ਮਹੀਨੇ ਤੋਂ ਉਸ ਦੇ ਗੁਆਂਢੀ ਅਯਾਨ ਖ਼ਾਨ ਵਲੋਂ ਉਸ ਨੂੰ ਬੰਧਕ ਬਣਾ ਕੇ ਬੁਰੀ ਤਰ੍ਹਾਂ ਕੁੱਟਿਆ ਜਾ ਰਿਹਾ ਸੀ। ਮੁਲਜ਼ਮ ਉਸ ਨੂੰ ਉਸ ਨਾਲ ਵਿਆਹ ਕਰਵਾਉਣ ਲਈ ਮਜਬੂਰ ਕਰਦਾ ਸੀ ਤੇ ਜ਼ਮੀਨ ਤੇ ਜਾਇਦਾਦ ਆਪਣੇ ਨਾਂ ਕਰਵਾਉਣ ਦਾ ਦਬਾਅ ਪਾਉਂਦਾ ਸੀ। ਪੀੜਤ ਪਰਿਵਾਰ ’ਚ ਉਹ ਤੇ ਉ ਸਦੀ ਮਾਂ ਸ਼ਾਮਲ ਹੈ। ਪਿਛਲੇ ਇਕ ਮਹੀਨੇ ਤੋਂ ਮੁਲਜ਼ਮ ਨੇ ਉਸ ਨੂੰ ਆਪਣੇ ਪਿਛਲੇ ਕਮਰੇ ’ਚ ਬੰਧਕ ਬਣਾ ਕੇ ਰੱਖਿਆ ਤੇ ਉਸ ਦੀ ਬੈਲਟ ਤੇ ਪਾਣੀ ਵਾਲੀ ਪਾਈਪ ਨਾਲ ਰੋਜ਼ਾਨਾ ਕੁੱਟਮਾਰ ਕੀਤੀ।

ਇਹ ਖ਼ਬਰ ਵੀ ਪੜ੍ਹੋ : ਬਰਡ ਫਲੂ ਦਾ ਵਧਿਆ ਖ਼ਤਰਾ, ਪਹਿਲੀ ਵਾਰ ਦੁੱਧ 'ਚ ਪਾਇਆ ਗਿਆ ਵਾਇਰਸ

ਬੀਤੀ ਸਵੇਰੇ ਦੋਸ਼ੀਆਂ ਨੇ ਬੇਰਹਿਮੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਤੇ ਉਸ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ। ਇਸ ਦੌਰਾਨ ਉਸ ਦੀਆਂ ਅੱਖਾਂ, ਮੂੰਹ ਤੇ ਸਰੀਰ ਦੇ ਹੋਰ ਹਿੱਸਿਆਂ ’ਚ ਫੇਵੀਕੁਇੱਕ ਲਗਾ ਦਿੱਤੀ ਗਈ। ਇਸ ਤੋਂ ਬਾਅਦ ਲੜਕੀ ਦੀ ਹਾਲਤ ਵਿਗੜ ਗਈ। ਇਸ ਦੌਰਾਨ ਉਹ ਕਿਸੇ ਤਰ੍ਹਾਂ ਨੌਜਵਾਨ ਦੇ ਚੁੰਗਲ ਤੋਂ ਬਚ ਕੇ ਆਪਣੀ ਮਾਂ ਕੋਲ ਪਹੁੰਚ ਗਈ। ਮਾਂ ਉਸ ਨੂੰ ਪੁਲਸ ਕੋਲ ਲੈ ਗਈ। ਉਸ ਦੀ ਗੰਭੀਰ ਹਾਲਤ ਨੂੰ ਦੇਖਦਿਆਂ ਉਸ ਨੂੰ ਤੁਰੰਤ ਜ਼ਿਲਾ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ।

ਅਯਾਨ ਖ਼ਾਨ ਨੇ ਲੜਕੀ ਨੂੰ ਜ਼ਬਰਦਸਤੀ ਕੈਦ ਕਰਕੇ ਰੱਖਿਆ
ਲੜਕੀ ਨੇ ਪੁਲਸ ਨੂੰ ਦੱਸਿਆ ਕਿ ਅਯਾਨ ਨੇ ਉਸ ਨਾਲ ਜ਼ਬਰਦਸਤੀ ਵੀ ਕੀਤੀ। ਉਸ ਨੇ ਮੈਨੂੰ ਇਕ ਮਹੀਨਾ ਆਪਣੇ ਘਰ ’ਚ ਕੈਦ ਰੱਖਿਆ। ਉਸ ਨੂੰ ਨਾ ਤਾਂ ਬਾਹਰ ਆਉਣ ਦਿੱਤਾ ਤੇ ਨਾ ਹੀ ਕਿਸੇ ਨਾਲ ਗੱਲ ਕਰਨ ਦਿੱਤੀ। ਉਹ ਕਹਿੰਦਾ ਤੇਰੀ ਮਾਂ ਨੂੰ ਕਹਿ ਕਿ ਘਰ ਮੇਰੇ ਹਵਾਲੇ ਕਰ ਦੇਵੇ। ਕਿਸੇ ਤਰ੍ਹਾਂ ਮੈਂ ਆਪਣੇ ਘਰ ਆਈ। ਮੇਰਾ ਸਾਰਾ ਸਰੀਰ ਦੁਖਦਾ ਹੈ। ਦੋਵਾਂ ਅੱਖਾਂ ’ਚ ਸੋਜ ਹੈ। ਜਦੋਂ ਉਹ ਦਰਦ ਨਾਲ ਚੀਕਦੀ ਸੀ ਤਾਂ ਉਸ ਨੇ ਫੇਵੀਕੁਇੱਕ ਨੂੰ ਉਸ ਦੇ ਬੁੱਲ੍ਹਾਂ ’ਤੇ ਰੱਖਿਆ। ਪੁਲਸ ਨੇ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

Credit : www.jagbani.com