ਸਪੋਰਟਸ ਡੈਸਕ- ਸ਼ੁਭਮਨ ਗਿੱਲ ਨੇ ਇੰਗਲੈਂਡ ਵਿਰੁੱਧ ਟੈਸਟ ਸੀਰੀਜ਼ ਵਿੱਚ ਨਾ ਸਿਰਫ਼ ਬਹੁਤ ਦੌੜਾਂ ਬਣਾਈਆਂ ਹਨ ਬਲਕਿ ਕਈ ਰਿਕਾਰਡ ਵੀ ਤੋੜੇ ਹਨ। ਸ਼ੁਭਮਨ ਗਿੱਲ ਨੇ ਓਵਲ ਟੈਸਟ ਦੇ ਪਹਿਲੇ ਦਿਨ ਕੁਝ ਅਜਿਹਾ ਹੀ ਕੀਤਾ। ਭਾਰਤੀ ਟੀਮ ਦੇ ਕਪਤਾਨ ਨੇ ਓਵਲ ਟੈਸਟ ਦੀ ਪਹਿਲੀ ਪਾਰੀ ਵਿੱਚ ਦੋ ਮਹਾਨ ਬੱਲੇਬਾਜ਼ਾਂ ਨੂੰ ਪਛਾੜ ਦਿੱਤਾ ਹੈ। ਪਹਿਲਾ ਨਾਮ ਗੈਰੀ ਸੋਬਰਸ ਅਤੇ ਦੂਜਾ ਸੁਨੀਲ ਗਾਵਸਕਰ ਹੈ। ਜਿਵੇਂ ਹੀ ਸ਼ੁਭਮਨ ਗਿੱਲ ਨੇ ਓਵਲ ਵਿੱਚ ਦੋ ਦੌੜਾਂ ਬਣਾਈਆਂ, ਉਨ੍ਹਾਂ ਨੇ ਗੈਰੀ ਸੋਬਰਸ ਨੂੰ ਪਛਾੜ ਦਿੱਤਾ ਅਤੇ ਜਿਵੇਂ ਹੀ ਉਨ੍ਹਾਂ ਨੇ 11 ਦੌੜਾਂ ਬਣਾਈਆਂ, ਉਹ ਇੱਕ ਖਾਸ ਮਾਮਲੇ ਵਿੱਚ ਭਾਰਤ ਦੇ ਨੰਬਰ 1 ਕਪਤਾਨ ਬਣ ਗਏ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਸ਼ੁਭਮਨ ਗਿੱਲ ਨੇ ਅਸਲ ਵਿੱਚ ਕਿਹੜੇ ਰਿਕਾਰਡ ਤੋੜੇ ਹਨ।
ਇਸ ਮਾਮਲੇ 'ਚ ਨੰਬਰ 1 ਭਾਰਤੀ ਕਪਤਾਨ ਬਣੇ ਗਿੱਲ
ਸ਼ੁਭਮਨ ਗਿੱਲ ਨੇ ਜਿਵੇਂ ਹੀ 11 ਦੌੜਾਂ ਬਣਾਈਆਂ ਉਹ ਇਕ ਟੈਸਟ ਸੀਰੀਜ਼ 'ਚ ਬਤੌਰ ਕਪਤਾਨ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਬਣ ਗਏ। ਸੁਨੀਲ ਗਾਵਸਕਰ ਨੇ 1948-49 'ਚ ਵੈਸਟਇੰਡੀਜ਼ ਖਿਲਾਫ ਇਕ ਸੀਰੀਜ਼ 732 ਦੌੜਾਂ ਬਣਾਈਆਂ ਸਨ, ਹੁਣ ਗਿੱਲ ਉਨ੍ਹਾਂ ਤੋਂ ਅੱਗੇ ਨਿਕਲ ਗਏ ਹਨ। ਇਹ ਹੀ ਨਹੀਂ ਗਿੱਲ ਨੇ SENA ਦੇਸ਼ਾਂ 'ਚ ਇਕ ਸੀਰੀਜ਼ 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਕਪਤਾਨ ਬਣਨ ਦਾ ਗੌਰਵ ਵੀ ਹਾਸਿਲ ਕਰ ਲਿਆ।
ਹੁਣ ਸ਼ੁਭਮਨ ਗਿੱਲ ਦੇ ਨਿਸ਼ਾਨੇ 'ਤੇ ਇਹ ਰਿਕਾਰਡ
ਸ਼ੁਭਮਨ ਗਿੱਲ ਦੇ ਨਿਸ਼ਾਨੇ 'ਤੇ ਹੁਣ ਦੋ ਹੋਰ ਵੱਡੇ ਰਿਕਾਰਡ ਹਨ। ਸੁਨੀਲ ਗਾਵਸਕਰ ਨੇ ਇਕ ਸੀਰੀਜ਼ 'ਚ 774 ਦੌੜਾਂ ਬਣਾਈਆਂ ਸਨ ਅਤੇ ਹੁਣ ਸ਼ੁਭਮਨ ਗਿੱਲ ਉਨ੍ਹਾਂ ਤੋਂ ਜ਼ਿਆਦਾ ਪਿੱਛੇ ਨਹੀਂ ਹਨ। ਉਥੇ ਹੀ ਗਿੱਲ ਨੇ ਜੇਕਰ 811 ਦੌੜਾਂ ਬਣਾ ਲਈਆਂ ਤਾਂ ਉਹ ਡਾਨ ਬ੍ਰੈਡਮੈਨ ਨੂੰ ਪਛਾੜ ਦੇਣਗੇ। ਬ੍ਰੈਡਮੈਨ ਦੇ ਨਾਂ ਹੀ ਇਕ ਸੀਰੀਜ਼ 'ਚ ਇੰਗਲੈਂਡ 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦਾ ਰਿਕਾਰਡ ਹੈ। ਇਹ ਰਿਕਾਰਡ ਪਿਛਲੇ 90 ਸਾਲਾਂ ਤੋਂ ਕਾਇਮ ਹੈ ਅਤੇ ਹੁਣ ਗਿੱਲ ਇਸਨੂੰ ਤੋੜ ਸਕਦੇ ਹਨ।
Credit : www.jagbani.com
