ਸਪੋਰਟਸ ਡੈਸਕ- ਭਾਰਤ ਅਤੇ ਇੰਗਲੈਂਡ ਟੈਸਟ ਸੀਰੀਜ਼ ਵਿੱਚ ਪਹਿਲਾਂ ਹੀ ਕਈ ਵਿਵਾਦ ਹੋ ਚੁੱਕੇ ਹਨ ਅਤੇ ਹੁਣ ਆਖਰੀ ਟੈਸਟ ਮੈਚ ਦੇ ਪਹਿਲੇ ਦਿਨ ਇੱਕ ਹੋਰ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਓਵਲ ਟੈਸਟ ਦੇ ਪਹਿਲੇ ਦਿਨ ਦੇ ਪਹਿਲੇ ਸੈਸ਼ਨ ਵਿੱਚ, ਅੰਪਾਇਰ ਧਰਮਸੇਨਾ ਦਾ ਇੱਕ ਫੈਸਲਾ ਵਿਵਾਦਪੂਰਨ ਹੋ ਗਿਆ। ਧਰਮਸੇਨਾ 'ਤੇ ਇੰਗਲੈਂਡ ਦੀ ਮਦਦ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਦਰਅਸਲ, ਪਹਿਲੇ ਸੈਸ਼ਨ ਵਿੱਚ, ਜੋਸ਼ ਟੰਗ ਦੀ ਗੇਂਦ 'ਤੇ ਸਾਈ ਸੁਦਰਸ਼ਨ ਵਿਰੁੱਧ LBW ਦੀ ਅਪੀਲ ਕੀਤੀ ਗਈ ਸੀ ਪਰ ਧਰਮਸੇਨਾ ਨੇ ਉਸਨੂੰ ਨਾਟ ਆਊਟ ਐਲਾਨ ਦਿੱਤਾ। ਪਰ ਇਸ ਫੈਸਲੇ ਦੌਰਾਨ ਉਸਨੇ ਕੁਝ ਅਜਿਹਾ ਕੀਤਾ ਜੋ ਵਿਵਾਦਪੂਰਨ ਹੋ ਗਿਆ ਹੈ।
ਅੰਪਾਇਰ ਨੇ ਅਜਿਹਾ ਕੀ ਕੀਤਾ?
ਭਾਰਤੀ ਪਾਰੀ ਦੇ 13ਵੇਂ ਓਵਰ ਵਿੱਚ ਜੋਸ਼ ਟੰਗ ਨੇ ਇੱਕ ਫੁੱਲ-ਟਾਸ ਗੇਂਦ ਸੁੱਟੀ ਜਿਸ ਵਿੱਚ ਸਾਈ ਸੁਦਰਸ਼ਨ ਦੇ ਖਿਲਾਫ ਇੱਕ LBW ਅਪੀਲ ਕੀਤੀ ਗਈ। ਸੁਦਰਸ਼ਨ ਇਸ ਗੇਂਦ ਨੂੰ ਖੇਡਦੇ ਹੋਏ ਡਿੱਗ ਪਿਆ। ਇੰਗਲੈਂਡ ਦੇ ਖਿਡਾਰੀਆਂ ਦੀ ਅਪੀਲ ਦੌਰਾਨ, ਧਰਮਸੇਨਾ ਨੇ ਇੱਕ ਇਸ਼ਾਰਾ ਕੀਤਾ ਜੋ ਵਿਵਾਦਪੂਰਨ ਬਣ ਗਿਆ। ਦਰਅਸਲ, ਸੁਦਰਸ਼ਨ ਨੂੰ ਨਾਟ ਆਊਟ ਐਲਾਨਦੇ ਹੋਏ, ਧਰਮਸੇਨਾ ਨੇ ਸੰਕੇਤ ਦਿੱਤਾ ਕਿ ਗੇਂਦ ਸੁਦਰਸ਼ਨ ਦੇ ਪੈਡਾਂ 'ਤੇ ਲੱਗਣ ਤੋਂ ਪਹਿਲਾਂ ਬੱਲੇ ਨਾਲ ਲੱਗ ਗਈ ਸੀ। ਇਸ ਤੋਂ ਬਾਅਦ ਇੰਗਲੈਂਡ ਦੇ ਖਿਡਾਰੀਆਂ ਨੇ DRS ਨਹੀਂ ਲਿਆ।
ਇਥੋਂ ਹੀ ਸੋਸ਼ਲ ਮੀਡੀਆ 'ਤੇ ਧਰਮਸੇਨਾ ਖਿਲਾਫ ਚੀਟਿੰਗ ਦਾ ਦੋਸ਼ ਲੱਗਣ ਲੱਗਾ। ਫੈਨਜ਼ ਦਾ ਇਹ ਮੰਨਣਾ ਹੈ ਕਿ ਧਰਮਸੇਨਾ ਨੇ ਆਖਿਰ ਇੰਗਲਿਸ਼ ਖਿਡਾਰੀਆਂ ਨੂੰ ਕਿਉਂ ਦੱਸਿਆ ਕਿ ਗੇਂਦ ਅਤੇ ਬੱਲੇ ਦਾ ਸੰਪਰਕ ਹੋਇਆ ਹੈ। ਜਦੋਂ ਕ੍ਰਿਕਟ 'ਚ DRS ਦੀ ਸਹੂਲਤ ਹੈ ਤਾਂ ਇੰਗਲੈਂਡ ਦੇ ਖਿਡਾਰੀ ਉਹ ਲੈ ਸਕਦੇ ਸਨ। ਫੈਨਜ਼ ਦਾ ਮੰਨਣਾ ਹੈ ਕਿ ਜੇਕਰ ਧਰਮਸੇਨਾ ਉਨ੍ਹਾਂ ਨੂੰ ਐੱਜ ਬਾਰੇ ਨਾ ਦੱਸਦੇ ਹਾਂ ਇੰਗਲੈਂਡ ਦੇ ਖਿਡਾਰੀ ਰੀਵਿਊ ਲੈਂਦੇ ਅਤੇ ਉਨ੍ਹਾਂ ਦਾ ਇਕ ਰੀਵਿਊ ਖਰਾਬ ਹੁੰਦਾ ਜਿਸ ਨਾਲ ਟੀਮ ਇੰਡੀਆ ਨੂੰ ਫਾਇਦਾ ਹੋ ਸਕਦਾ ਸੀ।
Credit : www.jagbani.com
