ਹੈਲਥ ਡੈਸਕ- ਚੌਲ ਭਾਰਤੀ ਖਾਣੇ ਦਾ ਅਹਿਮ ਹਿੱਸਾ ਹਨ ਪਰ ਕਈ ਲੋਕ ਇਹ ਸੋਚ ਕੇ ਚੌਲ ਖਾਣਾ ਘਟਾ ਦਿੰਦੇ ਹਨ ਕਿ ਇਸ ਨਾਲ ਭਾਰ ਵਧ ਜਾਂਦਾ ਹੈ। ਹਕੀਕਤ ਇਹ ਹੈ ਕਿ ਚੌਲ ਛੱਡਣ ਦੀ ਨਹੀਂ, ਸਗੋਂ ਸਹੀ ਕਿਸਮ ਦੇ ਚੌਲ ਚੁਣਨ ਦੀ ਲੋੜ ਹੈ। ਕੁਝ ਕਿਸਮਾਂ ਦੇ ਚੌਲ ਫਾਈਬਰ ਅਤੇ ਪੋਸ਼ਣ ਤੱਤਾਂ ਨਾਲ ਭਰਪੂਰ ਹੁੰਦੇ ਹਨ ਤੇ ਉਨ੍ਹਾਂ ਦਾ ਗਲਾਇਸੇਮਿਕ ਇੰਡੈਕਸ (GI) ਘੱਟ ਹੁੰਦਾ ਹੈ, ਜੋ ਭਾਰ ਘਟਾਉਣ 'ਚ ਮਦਦਗਾਰ ਹੈ।
ਰੈੱਡ ਰਾਈਸ (Red Rice)
ਰੈੱਡ ਰਾਈਸ ਫਾਈਬਰ ਨਾਲ ਭਰਪੂਰ ਹੁੰਦਾ ਹੈ ਅਤੇ ਇਸ 'ਚ ਐਂਥੋਸਾਇਨਿਨ ਵਰਗੇ ਐਂਟੀਓਕਸੀਡੈਂਟ ਪਾਏ ਜਾਂਦੇ ਹਨ। ਇਹ ਪੇਟ ਨੂੰ ਲੰਬੇ ਸਮੇਂ ਲਈ ਭਰਿਆ ਰੱਖਦਾ ਹੈ, ਜਿਸ ਨਾਲ ਬੇਵਜ੍ਹਾ ਖਾਣ ਦੀ ਆਦਤ ਘੱਟ ਹੁੰਦੀ ਹੈ। ਇਸ ਲਈ ਭਾਰ ਘੱਟ ਕਰਨ ਲਈ ਇਹ ਇਕ ਚੰਗਾ ਆਪਸ਼ਨ ਹੈ।
ਬ੍ਰਾਊਨ ਰਾਈਸ (Brown Rice)
ਬ੍ਰਾਊਨ ਰਾਈਸ ਨੂੰ ਪੋਲਿਸ਼ ਨਹੀਂ ਕੀਤਾ ਜਾਂਦਾ, ਇਸ ਕਰ ਕੇ ਇਸ ਦੀ ਬ੍ਰਾਊਨ ਲੇਅਰ ਬਚੀ ਰਹਿੰਦੀ ਹੈ ਜਿਸ 'ਚ ਫਾਈਬਰ, ਵਿਟਾਮਿਨ ਅਤੇ ਮਿਨਰਲਸ ਹੁੰਦੇ ਹਨ। ਇਸ ਦਾ GI ਵੀ ਘੱਟ ਹੁੰਦਾ ਹੈ, ਜੋ ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰਦਾ ਹੈ ਅਤੇ ਚਰਬੀ ਘਟਾਉਣ 'ਚ ਮਦਦਗਾਰ ਹੁੰਦਾ ਹੈ।
ਬਲੈਕ ਰਾਈਸ (Black Rice)
ਬਲੈਕ ਰਾਈਸ ਜਿਸ ਨੂੰ ਫੋਰਬਿਡਨ ਰਾਈਸ ਵੀ ਕਿਹਾ ਜਾਂਦਾ ਹੈ, ਪ੍ਰੋਟੀਨ, ਫਾਈਬਰ ਅਤੇ ਐਂਟੀਓਕਸਿਡੈਂਟ ਨਾਲ ਭਰਪੂਰ ਹੈ। ਇਹ ਮੈਟਾਬੋਲਿਜ਼ਮ ਤੇਜ਼ ਕਰਦਾ ਹੈ ਅਤੇ ਫੈਟ ਬਰਨ ਕਰਨ 'ਚ ਮਦਦ ਕਰਦਾ ਹੈ। ਇਸ 'ਚ ਮੌਜੂਦ ਐਂਟੀਓਕਸਿਡੈਂਟ ਸਰੀਰ ਦੀ ਸੋਜ ਘਟਾਉਂਦੇ ਹਨ, ਜੋ ਮੋਟਾਪੇ ਨਾਲ ਜੁੜੀ ਹੁੰਦੀ ਹੈ।
ਵਾਈਟ ਰਾਈਸ (White Rice)
ਸਧਾਰਨ ਸਫ਼ੈਦ ਚਾਵਲ 'ਚ ਪੋਸ਼ਣ ਘੱਟ ਹੁੰਦਾ ਹੈ ਕਿਉਂਕਿ ਇਹ ਪੋਲਿਸ਼ ਕੀਤੇ ਜਾਂਦੇ ਹਨ। ਇਸ ਨੂੰ ਕਦੇ-ਕਦੇ ਖਾਧਾ ਜਾ ਸਕਦਾ ਹੈ ਪਰ ਰੋਜ਼ਾਨਾ ਖਾਣਾ ਭਾਰ ਘਟਾਉਣ ਵਾਲਿਆਂ ਲਈ ਠੀਕ ਨਹੀਂ।
– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Credit : www.jagbani.com
