ਇੰਦੌਰ : ਮੱਧ ਪ੍ਰਦੇਸ਼ ਦੇ ਇੰਦੌਰ ਸ਼ਹਿਰ 'ਚ ਇੱਕ ਦੁਖਦਾਈ ਘਟਨਾ ਵਾਪਰੀ, ਜਿੱਥੇ ਜਿਮ ਤੋਂ ਵਾਪਸ ਪਰਤੇ ਇੱਕ 32 ਸਾਲਾ ਨੌਜਵਾਨ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਅਚਾਨਕ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਸੰਦੀਪ ਸੋਨਗਿਰਾ ਵਜੋਂ ਹੋਈ ਹੈ, ਜੋ ਸੁਖਲੀਆ ਖੇਤਰ 'ਚ ਰਹਿੰਦਾ ਸੀ ਤੇ ਪਾਨ ਦੀ ਦੁਕਾਨ ਤੇ ਐਗ ਫਰੈਸ਼ ਦੀ ਦੁਕਾਨ ਚਲਾਉਂਦਾ ਸੀ।
ਜਾਣਕਾਰੀ ਅਨੁਸਾਰ, ਰੋਜ਼ ਵਾਂਗ ਸੰਦੀਪ ਬੁੱਧਵਾਰ ਨੂੰ ਕਸਰਤ ਕਰਨ ਲਈ ਜਿਮ ਗਿਆ ਸੀ। ਜਿਮ ਤੋਂ ਵਾਪਸ ਆ ਕੇ ਜਦੋਂ ਉਹ ਆਪਣੀ ਦੁਕਾਨ 'ਤੇ ਆਇਆ, ਤਾਂ ਉਸਨੇ ਹਾਫ਼ ਫ੍ਰਾਈ ਆਮਲੈਟ ਖਾਧਾ। ਆਂਡਾ ਖਾਣ ਤੋਂ ਕੁਝ ਦੇਰ ਬਾਅਦ ਹੀ ਸੰਦੀਪ ਨੂੰ ਐਸੀਡਿਟੀ ਹੋਈ ਅਤੇ ਘਬਰਾਹਟ (ਪੈਨਿਕ) ਹੋਣ ਲੱਗੀ। ਉਸਨੇ ਆਪਣੇ ਛੋਟੇ ਭਰਾ ਨੂੰ ਦੱਸਿਆ ਕਿ ਉਸਦੇ ਸੀਨੇ ਵਿੱਚ ਤੇਜ਼ ਦਰਦ ਹੋ ਰਿਹਾ ਹੈ। ਇਸ ਤੋਂ ਬਾਅਦ ਉਹ ਬੇਹੋਸ਼ ਹੋ ਗਿਆ।
ਛੋਟਾ ਭਰਾ ਉਸਨੂੰ ਡਾਕਟਰ ਕੋਲ ਲੈ ਕੇ ਪਹੁੰਚਿਆ, ਪਰ ਉਦੋਂ ਤੱਕ ਸੰਦੀਪ ਦੀ ਦਿਲ ਦੀ ਧੜਕਣ ਰੁਕ ਚੁੱਕੀ ਸੀ ਅਤੇ ਡਾਕਟਰ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਡਾਕਟਰ ਨੇ ਮੁੱਢਲੀ ਜਾਂਚ ਵਿੱਚ ਹੀ ਦਿਲ ਦਾ ਦੌਰਾ ਪੈਣ ਦਾ ਸ਼ੱਕ ਜਤਾਇਆ ਸੀ।
ਸੰਦੀਪ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਉਸਨੂੰ ਪਹਿਲਾਂ ਕਦੇ ਵੀ ਦਿਲ ਦੀ ਬੀਮਾਰੀ ਦੀ ਕੋਈ ਸ਼ਿਕਾਇਤ ਨਹੀਂ ਰਹੀ ਸੀ, ਜਿਸ ਕਾਰਨ ਪਰਿਵਾਰ ਅਚਾਨਕ ਹੋਈ ਮੌਤ ਤੋਂ ਹੈਰਾਨ ਸੀ। ਪਰਿਵਾਰ ਦੇ ਕਹਿਣ 'ਤੇ ਪੁਲਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਐਮਵਾਈ ਹਸਪਤਾਲ ਪਹੁੰਚਾਇਆ। ਪੋਸਟਮਾਰਟਮ ਰਿਪੋਰਟ ਵਿੱਚ ਵੀ ਮੌਤ ਦਾ ਕਾਰਨ ਦਿਲ ਦਾ ਦੌਰਾ (ਹਾਰਟ ਅਟੈਕ) ਹੀ ਦੱਸਿਆ ਗਿਆ।
ਬਾਣਗੰਗਾ ਪੁਲਸ ਨੇ ਇਸ ਮਾਮਲੇ ਵਿੱਚ ਮਰਗ ਕਾਇਮ ਕਰ ਲਿਆ ਹੈ। ਸੰਦੀਪ ਦਾ ਪੰਜ ਸਾਲ ਪਹਿਲਾਂ ਹੀ ਵਿਆਹ ਹੋਇਆ ਸੀ ਅਤੇ ਉਸਦੇ ਪਰਿਵਾਰ ਵਿੱਚ ਪਤਨੀ, ਦੋ ਬੱਚੇ, ਇੱਕ ਛੋਟਾ ਭਰਾ ਅਤੇ ਮਾਤਾ-ਪਿਤਾ ਸ਼ਾਮਲ ਹਨ।
Credit : www.jagbani.com
