ਅੰਮ੍ਰਿਤਸਰ : ਅੰਮ੍ਰਿਤਸਰ ਕਚਹਿਰੀ ਚੌਂਕ ਵਿਚ ਉਸ ਸਮੇਂ ਭੜਥੂ ਪੈ ਗਿਆ ਜਦੋਂ ਉਥੇ ਬਣੇ ਫਲਾਈ ਓਵਰ 'ਤੇ ਇਕ ਨੌਜਵਾਨ 20 ਤੋਂ 25 ਮਿੰਟ ਤੱਕ ਲਮਕਦਾ ਰਿਹਾ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਨੌਜਵਾਨ ਨਸ਼ੇ ਦੀ ਹਾਲਤ ਵਿਚ ਆਪਣੀ ਸੁੱਧ-ਬੁੱਧ ਗਵਾ ਬੈਠਾ ਸੀ, ਜਿਸ ਕਾਰਣ ਪਹਿਲਾਂ ਤਾਂ ਇਹ ਫਲਾਈ ਓਵਰ 'ਤੇ ਤੁਰਦਾ ਰਿਹਾ ਅਤੇ ਫਿਰ ਇਹ ਫਲਾਈਵਰ 'ਤੇ ਲਟਕ ਗਿਆ। ਕਾਫੀ ਦੇਰ ਲਟਕਣ ਤੋਂ ਬਾਅਦ ਇਸ ਨੇ ਛਲਾਂਗ ਲਗਾ ਦਿੱਤੀ।
ਇਸ ਸਮੇਂ ਦੌਰਾਨ ਜਿੱਥੇ ਨੌਜਵਾਨ ਮੌਤ ਦੇ ਮੂੰਹ ਵਿਚ 20-25 ਮਿੰਟ ਲਮਕਦਾ ਰਿਹਾ , ਉੱਥੇ ਹੀ ਰਸਤੇ ਵਿਚ ਆਉਣ ਜਾਣ ਵਾਲੇ ਲੋਕ ਉਸ ਦੀ ਵੀਡੀਓ ਬਣਾਉਂਦੇ ਰਹੇ। ਇਥੇ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਘਟਨਾ ਸਥਾਨ 'ਤੇ ਪੁਲਸ ਮੁਲਾਜ਼ਮ ਵੀ ਮੌਜੂਦ ਸਨ ਪਰ ਕਿਸੇ ਵਲੋਂ ਉਸ ਨੂੰ ਬਚਾਉਣ ਲਈ ਉਪਰਾਲਾ ਨਹੀਂ ਕੀਤਾ। ਫਲਾਈ ਓਵਰ ਤੋਂ ਡਿੱਗਦਿਆਂ ਹੀ ਨੌਜਵਾਨ ਜ਼ਖਮੀ ਹੋ ਗਿਆ ਜਿਸ ਨੂੰ ਚੁੱਕ ਕੇ ਇਲਾਜ ਲਈ ਇਕ ਨਿੱਜੀ ਹਸਪਤਾਲ ਵਿਚ ਭੇਜਿਆ ਗਿਆ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
Credit : www.jagbani.com
