ਨਵੀਂ ਦਿੱਲੀ : ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਲਈ ਬੀਤਿਆ ਹਫ਼ਤਾ ਬਹੁਤ ਹੀ ਸ਼ਾਨਦਾਰ ਰਿਹਾ। 14 ਅਪ੍ਰੈਲ ਦੀ ਛੁੱਟੀ ਕਾਰਨ ਕਾਰੋਬਾਰ ਸਿਰਫ ਚਾਰ ਦਿਨ ਹੀ ਹੋਇਆ, ਪਰ ਇਸ ਦੇ ਬਾਵਜੂਦ ਨਿਵੇਸ਼ਕਾਂ ਨੇ ਮੋਟੀ ਕਮਾਈ ਕੀਤੀ। ਸੈਂਸੈਕਸ ਦੀਆਂ ਚੋਟੀ ਦੀਆਂ 10 ਕੰਪਨੀਆਂ ਵਿੱਚੋਂ 8 ਦੇ ਮਾਰਕੀਟ ਕੈਪ ਵਿੱਚ ਜ਼ੋਰਦਾਰ ਵਾਧਾ ਦਰਜ ਕੀਤਾ ਗਿਆ, ਜਿਸ ਨਾਲ ਨਿਵੇਸ਼ਕਾਂ ਦੀ ਝੋਲੀ 'ਚ ਕੁੱਲ 1.87 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਮੁਨਾਫ਼ਾ ਆਇਆ।
ਭਾਰਤੀ ਏਅਰਟੈੱਲ ਰਹੀ ਸਭ ਤੋਂ ਅੱਗੇ
ਕਮਾਈ ਦੇ ਮਾਮਲੇ ਵਿੱਚ ਟੈਲੀਕਾਮ ਦਿੱਗਜ ਭਾਰਤੀ ਏਅਰਟੈੱਲ ਨੇ ਸਭ ਨੂੰ ਪਛਾੜ ਦਿੱਤਾ ਹੈ। ਪਿਛਲੇ ਚਾਰ ਦਿਨਾਂ ਵਿੱਚ ਕੰਪਨੀ ਦਾ ਮਾਰਕੀਟ ਕੈਪ 58,831 ਕਰੋੜ ਰੁਪਏ ਵਧ ਕੇ 11.25 ਲੱਖ ਕਰੋੜ ਰੁਪਏ 'ਤੇ ਪਹੁੰਚ ਗਿਆ। ਇਸ ਤੋਂ ਬਾਅਦ ਦੇਸ਼ ਦੀ ਸਭ ਤੋਂ ਵੱਡੀ ਬੀਮਾ ਕੰਪਨੀ LIC ਦਾ ਨੰਬਰ ਆਉਂਦਾ ਹੈ, ਜਿਸ ਦੇ ਨਿਵੇਸ਼ਕਾਂ ਨੇ ਚਾਰ ਦਿਨਾਂ ਵਿੱਚ 27,609 ਕਰੋੜ ਰੁਪਏ ਕਮਾਏ।
ਟਾਟਾ ਤੇ ਅੰਬਾਨੀ ਦੀਆਂ ਕੰਪਨੀਆਂ ਨੇ ਵੀ ਕਰਾਈ ਕਮਾਈ
ਟਾਟਾ ਗਰੁੱਪ ਦੀ TCS ਦੇ ਮਾਰਕੀਟ ਕੈਪ 'ਚ 20,732 ਕਰੋੜ ਰੁਪਏ ਦਾ ਇਜ਼ਾਫਾ ਹੋਇਆ, ਜਿਸ ਨਾਲ ਇਹ 9.34 ਲੱਖ ਕਰੋੜ ਰੁਪਏ ਹੋ ਗਿਆ। ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਇੰਡਸਟਰੀਜ਼ ਦਾ ਮਾਰਕੀਟ ਕੈਪ ਵੀ 20,231 ਕਰੋੜ ਰੁਪਏ ਵਧ ਕੇ 18.47 ਲੱਖ ਕਰੋੜ ਰੁਪਏ 'ਤੇ ਪਹੁੰਚ ਗਿਆ ਹੈ।
ਹੋਰ ਕੰਪਨੀਆਂ ਦਾ ਹਾਲ
L&T: ਮਾਰਕੀਟ ਕੈਪ 18,578 ਕਰੋੜ ਰੁਪਏ ਵਧਿਆ।
ICICI Bank: 18,267 ਕਰੋੜ ਰੁਪਏ ਦਾ ਵਾਧਾ।
SBI: ਮਾਰਕੀਟ ਵੈਲਿਊ 'ਚ 12,600 ਕਰੋੜ ਰੁਪਏ ਦਾ ਵਾਧਾ।
Infosys: 10,650 ਕਰੋੜ ਰੁਪਏ ਦੀ ਬੜ੍ਹਤ।
ਇਨ੍ਹਾਂ ਕੰਪਨੀਆਂ ਨੇ ਕਰਾਇਆ ਘਾਟਾ
ਜਿੱਥੇ ਜ਼ਿਆਦਾਤਰ ਕੰਪਨੀਆਂ ਮੁਨਾਫ਼ੇ 'ਚ ਰਹੀਆਂ, ਉੱਥੇ ਹੀ HDFC Bank ਅਤੇ Bajaj Finance ਦੇ ਨਿਵੇਸ਼ਕਾਂ ਨੂੰ ਨੁਕਸਾਨ ਝੱਲਣਾ ਪਿਆ। HDFC ਬੈਂਕ ਦਾ ਮਾਰਕੀਟ ਕੈਪ 16,163 ਕਰੋੜ ਰੁਪਏ ਘਟਿਆ, ਜਦਕਿ ਬਜਾਜ ਫਿਨਾਂਸ ਨੂੰ 9,769 ਕਰੋੜ ਰੁਪਏ ਦਾ ਘਾਟਾ ਪਿਆ।
ਬਾਜ਼ਾਰ ਦਾ ਸਮੁੱਚਾ ਪ੍ਰਦਰਸ਼ਨ
ਬੀਤੇ ਹਫ਼ਤੇ ਬੰਬੇ ਸਟਾਕ ਐਕਸਚੇਂਜ ਦਾ ਸੈਂਸੈਕਸ (BSE Sensex) 943.29 ਅੰਕ ਜਾਂ 1.21 ਫੀਸਦੀ ਦੀ ਤੇਜ਼ੀ ਨਾਲ ਵਧਿਆ। ਦੂਜੇ ਪਾਸੇ, ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ (NSE Nifty) ਵੀ 303 ਅੰਕ ਜਾਂ 1.25 ਫੀਸਦੀ ਦੀ ਬੜ੍ਹਤ ਦਰਜ ਕਰਨ 'ਚ ਕਾਮਯਾਬ ਰਿਹਾ। ਰਿਲਾਇੰਸ ਇੰਡਸਟਰੀਜ਼ ਅਜੇ ਵੀ ਦੇਸ਼ ਦੀ ਸਭ ਤੋਂ ਵੱਡੀ ਕੰਪਨੀ ਵਜੋਂ ਨੰਬਰ 1 ਦੇ ਪਾਏਦਾਨ 'ਤੇ ਕਾਬਜ਼ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Credit : www.jagbani.com
