ਨੈਸ਼ਨਲ ਡੈਸਕ- ਭਾਰਤ ਦੇ ਉਪ ਰਾਸ਼ਟਰਪਤੀ ਦੀ ਚੋਣ ਵਿੱਚ ਐੱਨਡੀਏ ਉਮੀਦਵਾਰ ਸੀਪੀ ਰਾਧਾਕ੍ਰਿਸ਼ਨਨ ਨੇ ਵੱਡੀ ਜਿੱਤ ਹਾਸਲ ਕੀਤੀ। ਉਹ ਦੇਸ਼ ਦੇ 15ਵੇਂ ਉਪ ਰਾਸ਼ਟਰਪਤੀ ਚੁਣੇ ਗਏ ਹਨ। ਉਨ੍ਹਾਂ ਨੇ ਕੁੱਲ 452 ਵੋਟਾਂ ਪ੍ਰਾਪਤ ਕਰਕੇ ਆਪਣੇ ਵਿਰੋਧੀ ਅਤੇ ਇੰਡੀਆ ਗੱਠਜੋੜ ਦੇ ਬੀ. ਸੁਦਰਸ਼ਨ ਰੈੱਡੀ ਨੂੰ ਹਰਾਇਆ। ਸੁਦਰਸ਼ਨ ਰੈਡੀ ਨੂੰ 300 ਵੋਟਾਂ ਮਿਲੀਆਂ। ਐੱਨਡੀਏ ਨੇ ਲਗਭਗ ਦੋ-ਚੌਥਾਈ ਬਹੁਮਤ ਪ੍ਰਾਪਤ ਕਰ ਲਿਆ ਹੈ। ਭਾਰਤੀ ਜਨਤਾ ਪਾਰਟੀ ਨੇ ਦਾਅਵਾ ਕੀਤਾ ਕਿ 14 ਸੰਸਦ ਮੈਂਬਰਾਂ ਨੇ ਕਰਾਸ-ਵੋਟਿੰਗ ਕੀਤੀ।
ਵਿਰੋਧੀ ਗੱਠਜੋੜ ਨੇ ਵੀ ਉਪ ਰਾਸ਼ਟਰਪਤੀ ਚੋਣ ਵਿੱਚ ਚੰਗੀ ਚੁਣੌਤੀ ਦਿੱਤੀ ਪਰ ਉਨ੍ਹਾਂ ਦੀ ਗਿਣਤੀ ਐੱਨਡੀਏ ਨਾਲੋਂ ਘੱਟ ਸੀ। ਇਸ ਚੋਣ ਨੂੰ ਜਿੱਤਣ ਲਈ 392 ਵੋਟਾਂ ਦੀ ਲੋੜ ਸੀ, ਜੋ ਐੱਨਡੀਏ ਉਮੀਦਵਾਰ ਨੇ ਆਸਾਨੀ ਨਾਲ ਪ੍ਰਾਪਤ ਕਰ ਲਈ।
ਅੱਜ (ਮੰਗਲਵਾਰ) ਹੋਈ ਚੋਣ ਵਿੱਚ 767 ਸੰਸਦ ਮੈਂਬਰਾਂ ਨੇ ਆਪਣੀਆਂ ਵੋਟਾਂ ਪਾਈਆਂ। ਇਸ ਵਿੱਚੋਂ 15 ਵੋਟਾਂ ਅਵੈਧ ਸਨ। ਇਸ ਚੋਣ ਵਿੱਚ ਕੁੱਲ 782 ਸੰਸਦ ਮੈਂਬਰਾਂ ਨੂੰ ਵੋਟ ਪਾਉਣ ਦਾ ਅਧਿਕਾਰ ਸੀ।
ਵਿਰੋਧੀ ਪਾਰਟੀਆਂ ਤੋਂ ਪ੍ਰਾਪਤ 14 ਵੋਟਾਂ ਐੱਨਡੀਏ ਲਈ ਇੱਕ ਵੱਡੀ ਸਫਲਤਾ ਹੈ ਕਿਉਂਕਿ 15 ਵੋਟਾਂ ਨੂੰ ਅਵੈਧ ਘੋਸ਼ਿਤ ਕਰ ਦਿੱਤਾ ਗਿਆ ਸੀ ਅਤੇ ਵਿਰੋਧੀ ਪਾਰਟੀਆਂ ਤੋਂ ਐੱਨਡੀਏ ਨੂੰ ਪ੍ਰਾਪਤ 14 ਵੋਟਾਂ ਵਿਰੋਧੀ ਧਿਰ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਸਨ।
ਐੱਨਡੀਏ ਨੂੰ ਆਪਣੇ ਸਾਂਸਦਾਂ ਦੇ ਨਾਲ-ਨਾਲ ਕੁਝ ਕਰਾਸ ਵੋਟਿੰਗ ਦਾ ਲਾਭ ਵੀ ਮਿਲਿਆ। ਐੱਨਡੀਏ ਦੀ ਕੁੱਲ ਗਿਣਤੀ 427 ਸੀ, ਜੋ ਵਾਈਐੱਸਆਰ ਕਾਂਗਰਸ ਦੇ 11 ਸੰਸਦ ਮੈਂਬਰਾਂ ਦੇ ਜੋੜ ਨਾਲ ਵਧ ਕੇ 438 ਹੋ ਗਈ। ਇਸ ਤੋਂ ਇਲਾਵਾ, 14 ਵਾਧੂ ਵੋਟਾਂ ਕਰਾਸ ਵੋਟਿੰਗ ਰਾਹੀਂ ਸੀਪੀ ਰਾਧਾਕ੍ਰਿਸ਼ਨਨ ਦੇ ਖਾਤੇ ਵਿੱਚ ਗਈਆਂ।
ਦੱਸ ਦੇਈਏ ਕਿ ਇਹ ਚੋਣ ਉਪ-ਰਾਸ਼ਟਰਪਤੀ ਜਗਦੀਪ ਧਨਖੜ ਵੱਲੋਂ ਜੁਲਾਈ ਵਿੱਚ ਸਿਹਤ ਕਾਰਨਾਂ ਕਰਕੇ ਅਸਤੀਫਾ ਦੇਣ ਤੋਂ ਬਾਅਦ ਹੋਈ ਸੀ। ਸੰਸਦ ਕੰਪਲੈਕਸ ਦੇ ਵਸੁੰਧਾ ਭਵਨ ਵਿੱਚ ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਵੋਟਿੰਗ ਹੋਈ। ਇਸ ਚੋਣ ਵਿੱਚ ਸੰਸਦ ਦੇ ਦੋਵਾਂ ਸਦਨਾਂ ਦੇ ਸੰਸਦ ਮੈਂਬਰਾਂ ਨੇ ਵੋਟ ਪਾਈ।
Credit : www.jagbani.com
