ਲਾਹੋਰ- ਲਹਿੰਦੇ ਪੰਜਾਬ ਵੱਲੋਂ ਕਣਕ ਦੀ ਅੰਤਰ-ਸੂਬਾਈ ਆਵਾਜਾਈ 'ਤੇ ਅਣਐਲਾਨੀ ਪਾਬੰਦੀਆਂ ਨੇ ਦੂਜੇ ਸੂਬਿਆਂ ਵਿੱਚ ਆਟੇ ਦੀ ਭਾਰੀ ਘਾਟ ਅਤੇ ਕੀਮਤਾਂ ਵਿੱਚ ਵਾਧੇ ਦੀ ਸਥਿਤੀ ਬਣਾ ਦਿੱਤੀ ਹੈ, ਜਿਸ ਦੇ ਨਤੀਜੇ ਵਜੋਂ ਖੈਬਰ ਪਖਤੂਨਖਵਾ ਵਿੱਚ ਆਟੇ ਦੀਆਂ ਕੀਮਤਾਂ ਅਸਮਾਨ ਛੂਹ ਰਹੀਆਂ ਹਨ, ਜਿੱਥੇ 20 ਕਿ.ਗ੍ਰਾਮ ਦੀ ਥੈਲੀ 2800 ਤੱਕ ਵੇਚੀ ਜਾ ਰਹੀ ਹੈ, ਜਦੋਂ ਕਿ ਪੰਜਾਬ ਵਿੱਚ ਇਹ ਕੀਮਤ 1800 ਪਾਕਿਸਤਾਨੀ ਰੁਪਏ ਹੈ। ਪੰਜਾਬ ਆਟਾ ਮਿੱਲ ਐਸੋਸੀਏਸ਼ਨ ਦੇ ਚੇਅਰਮੈਨ ਰਿਆਜ਼ਉੱਲਾ ਖਾਨ ਦੇ ਅਨੁਸਾਰ, ਸੂਬੇ ਦੇ ਨਿਕਾਸ ਬਿੰਦੂਆਂ 'ਤੇ ਬਣਾਈਆਂ ਚੌਕੀਆਂ ਕਣਕ ਅਤੇ ਆਟੇ ਦੀ ਦੂਜੇ ਖੇਤਰਾਂ ਵਿੱਚ ਆਵਾਜਾਈ ਨੂੰ ਰੋਕ ਰਹੀਆਂ ਹਨ। ਉਨ੍ਹਾਂ ਦਲੀਲ ਦਿੱਤੀ ਕਿ ਇਹ ਕਾਰਵਾਈਆਂ ਕੰਟਰੋਲ ਮੁਕਤ ਨੀਤੀ ਦੀ ਉਲੰਘਣਾ ਕਰਦੀਆਂ ਹਨ, ਜੋ ਕਣਕ ਦੇ ਬੇਰੋਕ ਵਪਾਰ ਅਤੇ ਆਵਾਜਾਈ ਦਾ ਵਾਅਦਾ ਕਰਦੀਆਂ ਹਨ।
KP ਦੇ ਗਵਰਨਰ ਫੈਸਲ ਕਰੀਮ ਕੁੰਡੀ ਨੇ ਇਸ ਬੈਨ ਨੂੰ "ਆਰਟੀਕਲ 151 ਦੀ ਸਪੱਸ਼ਟ ਉਲੰਘਣਾ" ਅਤੇ "ਕੌਮੀ ਏਕਤਾ ਦੀ ਗੰਭੀਰ ਉਲੰਘਣਾ" ਕਿਹਾ ਹੈ। ਉਥੇ ਹੀ ਪੰਜਾਬ ਦੇ ਅਧਿਕਾਰੀਆਂ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਹੈ ਕਿ ਕਣਕ ਦੇ ਨਿਰਯਾਤ 'ਤੇ ਰਸਮੀ ਪਾਬੰਦੀ ਲਗਾਈ ਗਈ ਹੈ। ਹਾਲਾਂਕਿ, ਉਨ੍ਹਾਂ ਨੇ "ਅਸਾਧਾਰਨ" ਕਣਕ ਦੀ ਆਵਾਜਾਈ ਦੀ ਨਿਗਰਾਨੀ ਲਈ ਚੌਕੀਆਂ ਸਥਾਪਤ ਕਰਨ ਦੀ ਗੱਲ ਸਵੀਕਾਰ ਕੀਤੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Credit : www.jagbani.com
