ਕਰਤਾਰਪੁਰ- ਤੜਕਸਾਰ ਕਰਤਾਰਪੁਰ-ਦਿਆਲਪੁਰ ਜੀ. ਟੀ. ਰੋਡ ਨੇੜੇ ਆਪਣਾ ਫਾਰਮ ਅੰਮ੍ਰਿਤਸਰ ਵੱਲ ਜਾ ਰਹੇ ਸਰੀਏ ਨਾਲ ਭਰੇ 16 ਟਾਇਰੀ ਟਰੱਕ ਦੀ ਅਚਾਨਕ ਬਰੇਕ ਲੱਗਣ ਕਾਰਨ ਪਿਛਿਓਂ ਆ ਰਹੀ ਬਲੀਨੋ ਕਾਰ ਸਰੀਏ ਨਾਲ ਲੱਦੇ ਟਰੱਕ ਦੇ ਪਿੱਛੇ ਵੱਜੀ, ਜਿਸ ਨਾਲ ਕਾਰ ਦੇ ਡਰਾਈਵਰ ਸੀਟ ਅਤੇ ਨਾਲ ਦੀ ਸੀਟ 'ਤੇ ਬੈਠੇ ਦੋਵੇ ਨੌਜਵਾਨਾਂ ਦੇ ਲੋਹੇ ਦੇ ਸਰੀਏ ਆਰ ਪਾਰ ਹੋਣ ਕਾਰਨ ਮੌਕੇ 'ਤੇ ਮੌਤ ਹੋ ਗਈ ਜਦਕਿ ਕਾਰ ਦੀ ਪਿਛਲੀ ਸੀਟ 'ਤੇ ਬੈਠੇ ਤਿੰਨ ਨੌਜਵਾਨਾਂ ਦੀ ਵੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਜ਼ਖ਼ਮੀਆਂ ਨੂੰ ਅੰਮ੍ਰਿਤਸਰ ਦੇ ਕਿਸੇ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ।
ਇਸ ਹਾਦਸੇ ਸੰਬਧੀ ਪੁਲਸ ਨੂੰ ਅਨਿਲ ਕੁਮਾਰ ਪੱਤਰ ਸੁਰਿੰਦਰ ਕੁਮਾਰ ਵਾਸੀ ਏਕਤਾ ਨਗਰ ਥਾਣਾ ਡਿਵੀਜ਼ਨ ਨੰਬਰ ਬੀ ਅੰਮ੍ਰਿਤਸਰ ਨੇ ਜਾਣਕਾਰੀ ਦਿੰਦੇ ਦਸਿਆ ਕਿ ਉਸ ਦਾ ਪੁਤੱਰ ਚਾਂਦ (22) ਸਾਲ ਕਾਰ ਨੰ ਐੱਚ. ਆਰ-14-ਟੀ-1034 ਬਲੀਨੋ ਕਾਰ 'ਤੇ ਆਪਣੇ ਦੋਸਤ ਨਿਖਿਲ ਪੁੱਤਰ ਸੁਦੇਸ਼ ਕੁਮਾਰ ਵਾਸੀ 88 ਫੁਟੀਆਂ ਮਜੀਠਾ ਰੋਡ ਸਰਦਾਰ ਦੀ ਡਾਇਰੀ ਵਾਲੀ ਗਲੀ ਅੰਮ੍ਰਿਤਸਰ ਸ਼ੁਭਮ ਪੁੱਤਰ ਸੋਹਣ ਲਾਲ ਅਤੇ ਅਮਰੀਕ ਸਿੰਘ ਉਰਫ਼ ਕੋਹਲੀ ਪੁੱਤਰ ਮੱਖਣ ਸਿੰਘ ਦੋਵੇਂ ਵਾਸੀ ਮੁਹੱਲਾ ਏਕਤਾ ਨਗਰ ਅੰਮ੍ਰਿਤਸਰ ਅਤੇ ਰੁਦਰ ਮਹਾਜਨ ਪੁੱਤਰ ਰਾਕੇਸ਼ ਕੁਮਾਰ ਵਾਸੀ ਇਸਲਾਮਾਬਾਦ ਅੰਮ੍ਰਿਤਸਰ ਘਰ ਇਹ ਕਹਿ ਕੇ ਗਏ ਸਨ ਕਿ ਉਹ ਜਲੰਧਰ ਸ਼ਕਤੀ ਨਗਰ ਵਿਖੇ ਵਾਲਮੀਕਿ ਚੌੰਕ ਆਸ਼ਰਮ ਵਿਖੇ ਧਾਰਿਮਕ ਪ੍ਰੋਗਰਾਮ ਵਿਚ ਜਾ ਰਹੇ ਹਾਂ।
ਅੱਜ ਸਵੇਰੇ ਇਨ੍ਹਾਂ ਵਿੱਚੋਂ ਇਕ ਦੋਸਤ ਰੁਦਰ ਨੇ ਮੈਨੂੰ ਫੋਨ ਕਰਕੇ ਦੱਸਿਆ ਕਿ ਕਰਤਾਰਪੁਰ ਨੇੜੇ ਟਰੱਕ ਨੰਬਰੀ ਪੀ. ਬੀ-13-ਵੀ-7311 16 ਟਾਇਰੀ ਟਰੱਕ ਜਿਸ ਵਿਚ ਸਰੀਆ ਭਰਿਆ ਹੋਇਆ ਸੀ ਅਤੇ ਟਰੱਕ ਦੇ ਡਰਾਈਵਰ ਨੇ ਅਚਾਨਕ ਬਰੇਕ ਲਗਾ ਦਿੱਤੀ, ਜਿਸ ਕਾਰਨ ਉਨ੍ਹਾਂ ਦੀ ਕਾਰ ਟਰੱਕ ਉਕਤ ਨਾਲ ਪਿਛਲੇ ਪਾਸੇ ਤੋਂ ਟਕਰਾ ਗਈ ਹੈ। ਹਾਦਸੇ ਵਿਚ ਚਾਂਦ ਅਤੇ ਨਿਖਿਲ ਦੇ ਟਰੱਕ ਵਿਚ ਲੱਧੇ ਸਰੀਏ ਵੱਜਣ ਕਰਕੇ ਮੌਕੇ 'ਤੇ ਮੌਤ ਹੋ ਗਈ ਹੈ ਅਤੇ ਸ਼ੁਭਮ ਅਤੇ ਅਮਰੀਕ ਸਿੰਘ ਕੋਹਲੀ ਗੰਭੀਰ ਜ਼ਖ਼ਮੀ ਹੋ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਉਹ ਆਪਣੇ ਭਰਾ ਲਵ ਪੁੱਤਰ ਹਿੰਦਰਾਜ ਵਾਸੀ ਘਿਓ ਮੰਡੀ ਅੰਮ੍ਰਿਤਸਰ ਨਾਲ ਲੈ ਕੇ ਮੌਕੇ ਪੁੱਜੇ, ਜਿੱਥੇ ਵੇਖਿਆ ਕਿ ਮੇਰੇ ਲੜਕੇ ਚਾਂਦ ਅਤੇ ਨਿਖਿਲ ਦੇ ਸਰੀਰ ਦੇ ਲੋਹੇ ਦੇ ਸਰੀਏ ਆਰ ਪਾਰ ਹੋਏ ਸਨ।
ਚਾਂਦ ਦੀ ਲਾਸ਼ ਡਰਾਈਵਰ ਸੀਟ 'ਤੇ ਪਈ ਹੋਈ ਸੀ ਅਤੇ ਨਿਖਿਲ ਦੀ ਲਾਸ਼ ਨਾਲ ਦੀ ਸੀਟ 'ਤੇ ਪਈ ਹੋਈ ਸੀ ਅਤੇ ਸ਼ੁਭਮ ਅਤੇ ਅਮਰੀਕ ਸਿੰਘ ਉਰਫ਼ ਕੋਹਲ ਦੇ ਗੰਭੀਰ ਸੱਟਾਂ ਲੱਗੀਆਂ ਹਨ ਅਤੇ ਕਾਰ ਪੂਰੀ ਤਰਾਂ ਨੁਕਸਾਨੀ ਗਈ ਸੀ। ਮੌਤੇ 'ਤੇ ਪੁੱਜੀ ਪੁਲਸ ਨੇ ਦੱਸਿਆ ਕਿ ਟਰੱਕ ਮੰਡੀ ਗੋਬਿੰਦਗੜ ਤੋਂ ਅੰਮ੍ਰਿਤਸਰ ਵੱਲ ਜਾ ਰਿਹਾ ਸੀ ਅਤੇ ਇਸ ਨੂੰ ਡਰਾਈਵਰ ਮਨਜੀਤ ਸਿੰਘ ਚਲਾ ਰਿਹਾ ਸੀ, ਜੋਕਿ ਮੌਕੇ ਤੋਂ ਫਰਾਰ ਦੱਸਿਆ ਜਾ ਰਿਹਾ ਹੈ।
- ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
Credit : www.jagbani.com
