ਕੀ ਤੁਹਾਨੂੰ ਪਤਾ ਹੈ ਇਕ ਸਿਲੰਡਰ ਪਿੱਛੇ ਡਿਲੀਵਰੀ ਬੁਆਏ ਨੂੰ ਕਿੰਨੇ ਰੁਪਏ ਮਿਲਦੇ ਹਨ? ਜਾਣੋ ਪੂਰਾ ਗਣਿਤ

ਵੈੱਬ ਡੈਸਕ- ਅੱਜ-ਕੱਲ੍ਹ ਦੇਸ਼ 'ਚ ਰਸੋਈ ਗੈਸ ਦੀ ਮੰਗ 'ਚ ਹੋਏ ਭਾਰੀ ਵਾਧੇ ਦੇ ਨਾਲ-ਨਾਲ ਗੈਸ ਡਿਲੀਵਰੀ ਕਰਨ ਵਾਲੇ ਵੈਂਡਰਾਂ ਦੀ ਕਮਾਈ ਨੂੰ ਲੈ ਕੇ ਇਕ ਨਵੀਂ ਚਰਚਾ ਛਿੜ ਗਈ ਹੈ। ਭਾਰੀ ਸਿਲੰਡਰਾਂ ਨੂੰ ਮੋਢਿਆਂ 'ਤੇ ਚੁੱਕ ਕੇ ਘਰ-ਘਰ ਪਹੁੰਚਾਉਣ ਵਾਲੇ ਇਹ ਲੋਕ ਮਹੀਨੇ 'ਚ ਕਿੰਨੀ ਕਮਾਈ ਕਰ ਲੈਂਦੇ ਹਨ, ਇਹ ਜਾਣ ਕੇ ਤੁਸੀਂ ਹੈਰਾਨ ਹੋ ਸਕਦੇ ਹੋ।

ਕਮਿਸ਼ਨ ਦਾ ਪੂਰਾ ਗਣਿਤ 

ਜ਼ਿਆਦਾਤਰ ਗੈਸ ਏਜੰਸੀਆਂ ਆਪਣੇ ਡਿਲੀਵਰੀ ਬੁਆਏਜ਼ ਨੂੰ ਫਿਕਸਡ ਸੈਲਰੀ ਦੀ ਬਜਾਏ ਕਮਿਸ਼ਨ ਦੇ ਆਧਾਰ 'ਤੇ ਭੁਗਤਾਨ ਕਰਦੀਆਂ ਹਨ। ਇਕ ਘਰੇਲੂ ਗੈਸ ਸਿਲੰਡਰ (14.2 ਕਿਲੋ) 'ਤੇ ਗੈਸ ਏਜੰਸੀ ਨੂੰ ਕੰਪਨੀ ਵੱਲੋਂ ਲਗਭਗ 80 ਤੋਂ 88 ਰੁਪਏ ਦਾ ਕਮਿਸ਼ਨ ਮਿਲਦਾ ਹੈ। ਇਸ ਕਮਿਸ਼ਨ 'ਚੋਂ ਡਿਲੀਵਰੀ ਬੁਆਏ ਨੂੰ ਪ੍ਰਤੀ ਸਿਲੰਡਰ 20 ਤੋਂ 25 ਰੁਪਏ ਦਿੱਤੇ ਜਾਂਦੇ ਹਨ।

ਮਹੀਨੇ ਦੀ ਕਮਾਈ 15 ਹਜ਼ਾਰ ਤੋਂ 65 ਹਜ਼ਾਰ ਤੱਕ 

ਔਸਤ ਕਮਾਈ: ਜੇਕਰ ਇਕ ਡਿਲੀਵਰੀ ਬੁਆਏ ਦਿਨ 'ਚ 30 ਸਿਲੰਡਰ ਵੰਡਦਾ ਹੈ, ਤਾਂ ਉਹ ਰੋਜ਼ਾਨਾ 600 ਤੋਂ 750 ਰੁਪਏ ਕਮਾ ਲੈਂਦਾ ਹੈ, ਜੋ ਮਹੀਨੇ ਦੇ 15,000 ਤੋਂ 20,000 ਰੁਪਏ ਬਣਦੇ ਹਨ।
ਸੀਜ਼ਨ ਦੌਰਾਨ ਕਮਾਈ: ਤਿਉਹਾਰਾਂ ਜਾਂ ਭਾਰੀ ਮੰਗ ਵਾਲੇ ਦਿਨਾਂ 'ਚ ਕਈ ਸਰਗਰਮ ਡਿਲੀਵਰੀ ਮੈਨ ਦਿਨ 'ਚ 100 ਸਿਲੰਡਰ ਤੱਕ ਵੀ ਪਹੁੰਚਾ ਦਿੰਦੇ ਹਨ। ਅਜਿਹੀ ਸਥਿਤੀ 'ਚ ਉਨ੍ਹਾਂ ਦੀ ਇਕ ਦਿਨ ਦੀ ਕਮਾਈ 2,500 ਰੁਪਏ ਤੱਕ ਪਹੁੰਚ ਜਾਂਦੀ ਹੈ, ਜਿਸ ਦਾ ਮਤਲਬ ਹੈ ਕਿ ਸਖ਼ਤ ਮਿਹਨਤ ਕਰਨ ਵਾਲਾ ਵਿਅਕਤੀ ਮਹੀਨੇ 'ਚ 50,000 ਤੋਂ 65,000 ਰੁਪਏ ਤੱਕ ਵੀ ਕਮਾ ਸਕਦਾ ਹੈ।

ਮਾਰਚ 'ਚ ਵਧੀ ਰਿਕਾਰਡ ਮੰਗ 

ਸਰਕਾਰੀ ਅੰਕੜਿਆਂ ਅਨੁਸਾਰ, ਮਾਰਚ ਦੇ ਮਹੀਨੇ 'ਚ ਪੈਨਿਕ ਬੁਕਿੰਗ ਕਾਰਨ ਸਿਲੰਡਰਾਂ ਦੀ ਮੰਗ 87 ਲੱਖ ਤੋਂ ਪਾਰ ਪਹੁੰਚ ਗਈ ਸੀ, ਜਿਸ ਨਾਲ ਇਨ੍ਹਾਂ ਵੈਂਡਰਾਂ ਦੀ ਕਮਾਈ 'ਚ ਵੱਡਾ ਉਛਾਲ ਦੇਖਣ ਨੂੰ ਮਿਲਿਆ। ਇਸ ਮੰਗ ਨੇ ਡਿਲੀਵਰੀ ਕਰਨ ਵਾਲਿਆਂ ਦੀ ਜੇਬ ਵੀ ਖੂਬ ਗਰਮ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e

Credit : www.jagbani.com