ਜਲੰਧਰ- ਪੰਜਾਬ ਵਿੱਚ ਲੋਕਾਂ ਨੂੰ ਅਗਲੇ 5 ਦਿਨਾਂ ਤੱਕ ਭਾਰੀ ਬਿਜਲੀ ਕੱਟਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪਾਵਰਕੌਮ (PSPCL) ਵੱਲੋਂ ਜਾਰੀ ਜਨਤਕ ਿਸ ਅਨੁਸਾਰ, ਜ਼ਿਆਦਾਤਰ ਜ਼ਿਲ੍ਹਿਆਂ 'ਚ 21 ਅਪ੍ਰੈਲ ਤੋਂ 26 ਅਪ੍ਰੈਲ ਤੱਕ ਰੋਜ਼ਾਨਾ 8 ਤੋਂ 10 ਘੰਟੇ ਤੱਕ ਬਿਜਲੀ ਕੱਟ ਲੱਗਣ ਦੀ ਸੰਭਾਵਨਾ ਹੈ। ਇਸ ਵਿੱਚ ਲੁਧਿਆਣਾ, ਜਲੰਧਰ, ਅੰਮ੍ਰਿਤਸਰ, ਬਠਿੰਡਾ, ਪਟਿਆਲਾ ਅਤੇ ਮੋਹਾਲੀ ਵਰਗੇ ਸ਼ਹਿਰ ਸ਼ਾਮਲ ਹਨ।
ਜਾਣਕਾਰੀ ਮੁਤਾਬਕ, ਕੁਝ ਜ਼ਿਲ੍ਹਿਆਂ ਵਿੱਚ 3 ਦਿਨਾਂ ਲਈ ਅਤੇ ਕੁਝ ਜ਼ਿਲ੍ਹਿਆਂ ਵਿੱਚ 5 ਤੋਂ 6 ਦਿਨਾਂ ਤੱਕ ਬਿਜਲੀ ਬੰਦ ਰਹੇਗੀ। ਪਾਵਰਕੌਮ ਅਨੁਸਾਰ, ਇਸ ਸਮੇਂ ਪੰਜਾਬ ਵਿੱਚ ਬਿਜਲੀ ਦੀ ਮੰਗ ਲਗਭਗ 6,000 ਮੈਗਾਵਾਟ ਹੈ, ਜਦਕਿ ਸੂਬੇ ਵਿੱਚ ਉਤਪਾਦਨ ਕਰੀਬ 3,300 ਮੈਗਾਵਾਟ ਹੈ। ਇਸ ਘਾਟ ਨੂੰ ਪੂਰਾ ਕਰਨ ਲਈ ਕੇਂਦਰੀ ਪੂਲ ਤੋਂ ਲਗਭਗ 2,700 ਮੈਗਾਵਾਟ ਬਿਜਲੀ ਖਰੀਦੀ ਜਾ ਰਹੀ ਹੈ।
ਪਾਵਰਕੌਮ ਦਾ ਕਹਿਣਾ ਹੈ ਕਿ ਇਹ ਕੱਟ ਰੱਖ-ਰਖਾਅ (ਮੈਂਟੇਨੈਂਸ) ਦੇ ਕੰਮਾਂ ਕਰਕੇ ਲਗਾਏ ਜਾ ਰਹੇ ਹਨ, ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਬਿਜਲੀ ਸਪਲਾਈ ਨੂੰ ਹੋਰ ਸੁਚਾਰੂ ਬਣਾਇਆ ਜਾ ਸਕੇ। ਸ਼ਹਿਰਾਂ ਵਿੱਚ ਬਿਜਲੀ ਬੰਦ ਹੋਣ ਦੇ ਵੇਰਵੇ ਹੇਠ ਲਿਖੇ ਅਨੁਸਾਰ ਹਨ।
ਸ਼ਹਿਰਾਂ 'ਚ ਤਾਰੀਖ਼ ਅਨੁਸਾਰ ਬਿਜਲੀ ਕੱਟਾਂ ਦਾ ਵੇਰਵਾ
21 ਅਪ੍ਰੈਲ
ਮੋਹਾਲੀ (ਸਵੇਰੇ 10 ਤੋਂ ਦੁਪਹਿਰ 3): ਆਈਟੀ ਸਿਟੀ ਬਲਾਕ-ਬੀ, ਫੇਜ਼ 3ਬੀ2, ਫੇਜ਼ 5, ਲਾਂਡਰਾਂ ਰੋਡ, ਸਵਾਰਾ, ਅਤੇ ਸਿੰਆਊਂ।
ਲੁਧਿਆਣਾ (ਸਵੇਰੇ 10 ਤੋਂ ਸ਼ਾਮ 5): ਜਾਗੀਰਪੁਰ, ਸੀਰਾ ਰੋਡ, ਮੇਹਰਬਾਨ, ਟਿੱਬਾ ਰੋਡ, ਕੈਲਾਸ਼ ਨਗਰ, ਅਤੇ ਬੀਆਰਐਸ ਨਗਰ।
ਅੰਮ੍ਰਿਤਸਰ (ਸਵੇਰੇ 10 ਤੋਂ ਦੁਪਹਿਰ 2): ਕੰਪਨੀ ਬਾਗ, ਠੰਡੀ ਖੂਈ, ਅਤੇ ਨਹਿਰ ਕੰਪਲੈਕਸ।
ਪਟਿਆਲਾ (ਦੁਪਹਿਰ 1 ਤੋਂ ਸ਼ਾਮ 5): ਪ੍ਰੇਮ ਨਗਰ, ਆਦਰਸ਼ ਨਗਰ, ਭਾਦਸੋਂ ਰੋਡ, ਅਤੇ ਅਨੰਦ ਨਗਰ।
ਬਠਿੰਡਾ (ਸਵੇਰੇ 9 ਤੋਂ ਦੁਪਹਿਰ 2): ਬਸਤੀ ਖੇਤਰ, ਬਸੰਤ ਵਿਹਾਰ, ਅਤੇ ਗੀਤਾ ਭਵਨ ਖੇਤਰ।
22 ਅਪ੍ਰੈਲ
ਮੋਹਾਲੀ: ਫੇਜ਼ 10, ਬੈਂਕ ਕਲੋਨੀ (ਸਵੇਰੇ 10 ਤੋਂ ਦੁਪਹਿਰ 2); ਮੋਹੀਨਕਲਾਂ, ਲੌਜਿਸਟਿਕਸ (ਸਵੇਰੇ 10 ਤੋਂ ਸ਼ਾਮ 6)।
ਲੁਧਿਆਣਾ (ਸਵੇਰੇ 10 ਤੋਂ ਸ਼ਾਮ 5): ਸ਼ਿਵਾਜੀ ਨਗਰ, ਜਨਕਪੁਰੀ, ਇੰਡਸਟਰੀਅਲ ਏਰੀਆ-ਏ, ਅਤੇ ਚੀਮਾ ਚੌਕ।
ਅੰਮ੍ਰਿਤਸਰ (ਸਵੇਰੇ 10 ਤੋਂ ਸ਼ਾਮ 4): ਹਰੀਪੁਰਾ, ਸ਼ਾਸਤਰੀ ਨਗਰ, ਅਤੇ ਅਮਨ ਐਵੇਨਿਊ।
ਬਠਿੰਡਾ (ਸਵੇਰੇ 9 ਤੋਂ ਦੁਪਹਿਰ 2): ਬਲਰਾਮ ਨਗਰ, ਰਾਮ ਨਗਰ, ਅਤੇ ਸੰਜੇ ਨਗਰ।
23 ਅਪ੍ਰੈਲ
ਜ਼ੀਰਕਪੁਰ (ਸਵੇਰੇ 9:30 ਤੋਂ ਸ਼ਾਮ 5:30): ਗੁਰਦੇਵ ਨਗਰ, ਪਟਿਆਲਾ ਰੋਡ, ਅਤੇ ਚੰਡੀਗੜ੍ਹ ਰੋਡ।
ਲੁਧਿਆਣਾ (ਸਵੇਰੇ 10 ਤੋਂ ਦੁਪਹਿਰ 2): ਆਲਮਗੀਰ, ਬਸੰਤ ਐਵੇਨਿਊ, ਸ਼ਿਮਲਾ ਕਲੋਨੀ, ਅਤੇ ਬਸਤੀ ਜੋਧੇਵਾਲ।
ਪਟਿਆਲਾ (ਸਵੇਰੇ 10 ਤੋਂ ਸ਼ਾਮ 6): ਤੇਜ ਬਾਗ ਕਲੋਨੀ, ਤ੍ਰਿਪੜੀ, ਅਤੇ ਮਾਲਵਾ ਕਲੋਨੀ।
ਬਠਿੰਡਾ (ਸਵੇਰੇ 10 ਤੋਂ ਦੁਪਹਿਰ 3): ਟ੍ਰਾਂਸਪੋਰਟ ਨਗਰ, ਅਰਜੁਨ ਨਗਰ, ਅਤੇ ਗੋਪਾਲ ਨਗਰ।
24 ਅਪ੍ਰੈਲ
ਲੁਧਿਆਣਾ (ਸਵੇਰੇ 10 ਤੋਂ ਦੁਪਹਿਰ 2): ਸੁਭਾਸ਼ ਨਗਰ, ਰਾਹੋਂ ਰੋਡ, ਰਾਜਗੜ੍ਹ ਐਸਟੇਟ, ਅਤੇ ਹੀਰੋ ਹੋਮਸ।
ਅੰਮ੍ਰਿਤਸਰ (ਸਵੇਰੇ 10 ਤੋਂ ਦੁਪਹਿਰ 3): ਜੀਟੀ ਰੋਡ, ਮਜੀਠਾ ਰੋਡ, ਅਤੇ ਪਿੰਕ ਐਵੇਨਿਊ।
ਪਟਿਆਲਾ (ਸਵੇਰੇ 10 ਤੋਂ ਸ਼ਾਮ 6): ਅੱਪਰ ਮਾਲ ਰੋਡ, ਯਾਦਵਿੰਦਰਾ ਕਲੋਨੀ, ਅਤੇ ਚਿਲਡਰਨ ਮੈਮੋਰੀਅਲ ਚੌਕ।
ਬਠਿੰਡਾ: ਡੱਬਵਾਲੀ ਰੋਡ ਇੰਡਸਟਰੀ ਏਰੀਆ ਅਤੇ ਜੋਧਪੁਰ ਪਿੰਡ।
25 ਅਪ੍ਰੈਲ
ਲੁਧਿਆਣਾ (ਸਵੇਰੇ 10 ਤੋਂ ਦੁਪਹਿਰ 2): ਮੋਤੀ ਨਗਰ, ਸ਼ੇਰਪੁਰ, ਅਤੇ ਆਯਾਲੀ ਖੇਤਰ।
ਅੰਮ੍ਰਿਤਸਰ (ਸਵੇਰੇ 10 ਤੋਂ ਦੁਪਹਿਰ 2): ਡਾਇਮੰਡ ਨਗਰ, ਵਾਈਟ ਐਵੇਨਿਊ, ਅਤੇ ਲਾਹੌਰੀ ਗੇਟ।
ਪਟਿਆਲਾ (ਸਵੇਰੇ 10 ਤੋਂ ਸ਼ਾਮ 6): ਮਾਡਲ ਟਾਊਨ, ਰਘੂਵੀਰ ਨਗਰ, ਅਤੇ ਗੁਰੂ ਤੇਗ ਬਹਾਦਰ ਕਲੋਨੀ।
ਬਠਿੰਡਾ (ਸਵੇਰੇ 9 ਤੋਂ ਦੁਪਹਿਰ 2): ਅਜੀਤ ਰੋਡ, ਸਨਸਿਟੀ, ਅਤੇ ਪਾਵਰ ਹਾਊਸ ਰੋਡ।
26 ਅਪ੍ਰੈਲ
ਮੋਹਾਲੀ (ਸਵੇਰੇ 10 ਤੋਂ ਦੁਪਹਿਰ 2): ਫੇਜ਼ 7 ਅਤੇ ਐਚ-ਬਲਾਕ।
ਜ਼ੀਰਕਪੁਰ (ਸਵੇਰੇ 9:30 ਤੋਂ ਸ਼ਾਮ 5): ਮਾਇਆ ਮਾਡਰਨ ਸਿਟੀ ਅਤੇ ਸਿੰਘਪੁਰ।
ਲੁਧਿਆਣਾ (ਸਵੇਰੇ 10 ਤੋਂ ਦੁਪਹਿਰ 2): ਸਾਹਨੇਵਾਲ ਰੋਡ, ਜਨਤਾ ਨਗਰ, ਅਤੇ ਦੋਰਾਹਾ ਇੰਡਸਟਰੀਅਲ ਏਰੀਆ।
ਪਟਿਆਲਾ (ਦੁਪਹਿਰ 1 ਤੋਂ ਸ਼ਾਮ 5): ਪੁਲਸ ਲਾਈਨ, ਸੈਂਟਰਲ ਜੇਲ੍ਹ, ਅਤੇ ਮਿੰਨੀ ਸਕੱਤਰੇਤ।
ਪਾਵਰਕੌਮ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਹਨਾਂ ਕੱਟਾਂ ਦੇ ਅਧਾਰ 'ਤੇ ਆਪਣੇ ਕੰਮ ਪਹਿਲਾਂ ਹੀ ਨਿਪਟਾ ਲੈਣ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
Credit : www.jagbani.com
