ਬਿਜ਼ਨੈੱਸ ਡੈਸਕ : ਕੇਂਦਰ ਸਰਕਾਰ ਨੇ ਐੱਲ. ਪੀ. ਜੀ. (LPG) ਖਪਤਕਾਰਾਂ ਲਈ ਵੱਡੀ ਰਾਹਤ ਦਾ ਐਲਾਨ ਕੀਤਾ ਹੈ। ਸਰਕਾਰ ਨੇ 'ਐੱਲ. ਪੀ. ਜੀ. ਕੰਟਰੋਲ ਆਰਡਰ' ਵਿੱਚ ਮਹੱਤਵਪੂਰਨ ਬਦਲਾਅ ਕੀਤੇ ਹਨ, ਜਿਸ ਨਾਲ ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਨੂੰ ਫਾਇਦਾ ਹੋਵੇਗਾ ਜੋ ਪਾਈਪ ਵਾਲੀ ਕੁਦਰਤੀ ਗੈਸ (PNG) ਕੁਨੈਕਸ਼ਨ ਲੈਣਾ ਚਾਹੁੰਦੇ ਹਨ।
ਸਰਕਾਰ ਨੇ ਸੋਮਵਾਰ (25 ਮਈ, 2026) ਨੂੰ 'ਲਿਕੁਈਫਾਈਡ ਪੈਟਰੋਲੀਅਮ ਗੈਸ (ਸਪਲਾਈ ਅਤੇ ਡਿਸਟ੍ਰੀਬਿਊਸ਼ਨ ਰੈਗੂਲੇਸ਼ਨ) ਸੋਧ ਆਰਡਰ, 2026' ਨੂੰ ੀਫਾਈ ਕਰ ਦਿੱਤਾ ਹੈ। ਇਸ ਨਵੀਂ ਸੋਧ ਦਾ ਮੁੱਖ ਮਕਸਦ ਘਰੇਲੂ LPG ਖਪਤਕਾਰਾਂ ਨੂੰ ਵਧੇਰੇ ਸਹੂਲਤ ਅਤੇ ਲਚਕਤਾ ਪ੍ਰਦਾਨ ਕਰਨਾ ਹੈ।
ਖਪਤਕਾਰਾਂ ਕੋਲ ਹੁਣ ਹੋਣਗੇ ਇਹ ਵਿਕਲਪ
ਨਵੇਂ ਨਿਯਮਾਂ ਅਨੁਸਾਰ, ਜਿਨ੍ਹਾਂ ਖਪਤਕਾਰਾਂ ਕੋਲ PNG ਕੁਨੈਕਸ਼ਨ ਹੈ, ਉਨ੍ਹਾਂ ਕੋਲ ਦੋ ਮੁੱਖ ਵਿਕਲਪ ਹੋਣਗੇ:
ਕੁਨੈਕਸ਼ਨ ਖਤਮ ਕਰਨਾ: ਖਪਤਕਾਰ PNG ਕੁਨੈਕਸ਼ਨ ਮਿਲਣ ਦੇ 30 ਦਿਨਾਂ ਦੇ ਅੰਦਰ ਆਪਣਾ LPG ਕੁਨੈਕਸ਼ਨ ਖਤਮ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ।
ਟ੍ਰਾਂਸਫਰ ਵਾਊਚਰ ਦੀ ਸਹੂਲਤ: ਜੇਕਰ ਕੋਈ ਖਪਤਕਾਰ ਭਵਿੱਖ ਵਿੱਚ ਕਿਸੇ ਅਜਿਹੇ ਇਲਾਕੇ ਵਿੱਚ ਜਾਣ ਦਾ ਵਿਚਾਰ ਰੱਖਦਾ ਹੈ ਜਿੱਥੇ PNG ਸਹੂਲਤ ਨਹੀਂ ਹੈ, ਤਾਂ ਉਹ ਆਪਣੇ LPG ਕੁਨੈਕਸ਼ਨ ਲਈ 'ਟ੍ਰਾਂਸਫਰ ਵਾਊਚਰ' ਪ੍ਰਾਪਤ ਕਰ ਸਕਦਾ ਹੈ। ਇਸ ਨਾਲ ਉਹ ਬਾਅਦ ਵਿੱਚ ਕਿਸੇ ਹੋਰ ਥਾਂ 'ਤੇ ਆਸਾਨੀ ਨਾਲ LPG ਕੁਨੈਕਸ਼ਨ ਮੁੜ ਸ਼ੁਰੂ ਕਰਵਾ ਸਕੇਗਾ।
ਇਨ੍ਹਾਂ ਲੋਕਾਂ ਨੂੰ ਮਿਲੇਗਾ ਵੱਡਾ ਫਾਇਦਾ
ਇਹ ਬਦਲਾਅ ਉਨ੍ਹਾਂ ਲੋਕਾਂ ਲਈ ਬੇਹੱਦ ਲਾਹੇਵੰਦ ਸਾਬਤ ਹੋਵੇਗਾ ਜਿਨ੍ਹਾਂ ਦੀਆਂ ਨੌਕਰੀਆਂ ਵਿੱਚ ਬਦਲੀਆਂ (Transfers) ਹੁੰਦੀਆਂ ਰਹਿੰਦੀਆਂ ਹਨ। ਇਸ ਤੋਂ ਇਲਾਵਾ:
ਪ੍ਰਵਾਸੀ ਪਰਿਵਾਰਾਂ ਅਤੇ ਕਿਰਾਏਦਾਰਾਂ ਲਈ ਸਹੂਲਤ ਹੋਵੇਗੀ।
ਦੂਜੇ ਸ਼ਹਿਰਾਂ ਵਿੱਚ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਫਾਇਦਾ ਮਿਲੇਗਾ।
ਗੈਰ-ਪੀ. ਐੱਨ. ਜੀ. ਖੇਤਰਾਂ ਵਿੱਚ ਸ਼ਿਫਟ ਹੋਣ ਵਾਲੇ ਪਰਿਵਾਰਾਂ ਲਈ ਇਹ ਇੱਕ ਵੱਡੀ ਰਾਹਤ ਹੈ।
ਸਰਕਾਰ ਨੇ ਕਿਉਂ ਲਿਆ ਇਹ ਫੈਸਲਾ?
ਸਰਕਾਰ ਦਾ ਉਦੇਸ਼ LPG ਸਿਲੰਡਰ ਤੋਂ PNG (ਪਾਈਪ ਗੈਸ) ਵੱਲ ਤਬਦੀਲੀ ਦੀ ਪ੍ਰਕਿਰਿਆ ਨੂੰ ਸੁਚਾਰੂ ਅਤੇ ਮੁਸ਼ਕਲ ਰਹਿਤ ਬਣਾਉਣਾ ਹੈ। ਪੱਛਮੀ ਏਸ਼ੀਆ ਵਿੱਚ ਚੱਲ ਰਹੇ ਸੰਕਟ ਕਾਰਨ LPG ਦੀ ਸਪਲਾਈ ਵਿੱਚ ਆ ਰਹੀਆਂ ਦਿੱਕਤਾਂ ਨੂੰ ਦੇਖਦੇ ਹੋਏ ਸਰਕਾਰ ਹੁਣ PNG ਨੂੰ ਉਤਸ਼ਾਹਿਤ ਕਰ ਰਹੀ ਹੈ। ਇਸ ਕਦਮ ਨਾਲ ਗੈਸ ਸੇਵਾਵਾਂ ਵਿੱਚ ਬਦਲਾਅ ਕਰਨਾ ਗਾਹਕਾਂ ਲਈ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਆਸਾਨ ਹੋ ਜਾਵੇਗਾ।
Credit : www.jagbani.com
