ਬਿਜ਼ਨੈੱਸ ਡੈਸਕ - ਆਮ ਤੌਰ ਪੈਸੇ ਵਾਲੇ ਲੋਕ ਖਾਣ-ਪੀਣ ਦੇ ਵੱਡੇ ਬ੍ਰਾਂਡਾਂ ਦੀ ਵਸਤੂਆਂ ਨੂੰ ਹੀ ਅਹਿਮੀਅਤ ਦਿੰਦੇ ਹਨ ਅਤੇ ਇਸ ਲਈ ਜ਼ਿਆਦਾ ਕੀਮਤ ਵੀ ਚੁਕਾਉਂਦੇ ਹਨ। ਪਰ ਅਸਲੀਅਤ ਕੁਝ ਹੋਰ ਹੀ ਹੈ। FSSAI ਦੀ ਰਿਪੋਰਟ ਵਿੱਚ ਇਨ੍ਹਾਂ ਰੈਸਟੋਰੈਂਟ ਵਿਚ ਬਾਸੀ ਮਟਨ, ਬੈਕਟੀਰੀਆ ਅਤੇ ਮਿਲਾਵਟ ਵਰਗੀਆਂ ਬੇਨਿਯਮੀਆਂ ਦੀ ਜਾਂਚ ਕੀਤੀ ਗਈ ਹੈ। ਕਾਰਵਾਈ ਤੋਂ ਬਾਅਦ ਦਸਤਰਖਵਾਨ ਰੈਸਟੋਰੈਂਟ ਸੀਲ ਕਰ ਦਿੱਤਾ ਗਿਆ ਹੈ।
ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਵਿੱਚ ਲੋਕਾਂ ਦੇ ਪਸੰਦਿਦਾ ਬ੍ਰਾਂਡਿਡ ਫਾਸਟ ਫੂਡ ਰੈਸਟੋਰੈਂਟਾਂ ਅਤੇ ਮਿਠਾਈ ਦੀਆਂ ਦੁਕਾਨਾਂ ਦੀ ਅਸਲੀਅਤ ਖੁਰਾਕ ਸੁਰੱਖਿਆ ਵਿਭਾਗ (Food Safety Department) ਦੀ ਹਾਲੀਆ ਜਾਂਚ ਵਿੱਚ ਸਾਹਮਣੇ ਆਈ ਹੈ।
ਵਿਭਾਗ ਵੱਲੋਂ ਸ਼ਹਿਰ ਦੇ 12 ਪ੍ਰਮੁੱਖ ਫੂਡ ਬ੍ਰਾਂਡਾਂ ਤੋਂ ਲਏ ਗਏ ਕੁੱਲ 36 ਸੈਂਪਲਾਂ ਵਿੱਚੋਂ ਜ਼ਿਆਦਾਤਰ ਗੁਣਵੱਤਾ ਮਾਪਦੰਡਾਂ (quality standards) 'ਤੇ ਖਰੇ ਨਹੀਂ ਉੱਤਰੇ। ਜਾਂਚ ਰਿਪੋਰਟ ਵਿੱਚ ਬਾਸੀ ਸਮੱਗਰੀ, ਬੈਕਟੀਰੀਆ ਦੀ ਮੌਜੂਦਗੀ, ਮਿਲਾਵਟੀ ਉਤਪਾਦ ਅਤੇ ਸਾਫ਼-ਸਫ਼ਾਈ ਵਿੱਚ ਵੱਡੀ ਲਾਪਰਵਾਹੀ ਦੇਖੀ ਗਈ ਹੈ।
ਨਾਮਚੀਨ ਬ੍ਰਾਂਡ ਅਤੇ ਖਾਮੀਆਂ:
• KFC (ਸਹਾਰਾਗੰਜ): ਖੁਲਾਸਾ ਹੋਇਆ ਕਿ ਇੱਥੇ ਪੁਰਾਣੇ ਤੇਲ ਨੂੰ ਵਾਰ-ਵਾਰ ਇਸਤੇਮਾਲ ਕਰਕੇ ਤਲਿਆ ਹੋਇਆ ਖਾਣਾ ਪਰੋਸਿਆ ਜਾ ਰਿਹਾ ਸੀ।
• McDonald’s (ਹਜ਼ਰਤਗੰਜ): ਤਲੇ ਹੋਏ (fried) ਪਦਾਰਥਾਂ ਵਿੱਚ ਸਿੰਥੈਟਿਕ ਰੰਗ (synthetic color) ਦੀ ਮਿਲਾਵਟ ਪਾਈ ਗਈ, ਜੋ ਸਿਹਤ ਲਈ ਬੇਹੱਦ ਨੁਕਸਾਨਦੇਹ ਹੈ।
• ਦਸਤਰਖਵਾਨ (ਹਜ਼ਰਤਗੰਜ): ਇਸ ਰੈਸਟੋਰੈਂਟ ਵਿੱਚ ਬਾਸੀ ਮਟਨ ਅਤੇ ਬਦਬੂਦਾਰ ਗ੍ਰੇਵੀ ਮਿਲਣ ਕਾਰਨ ਦੁਕਾਨ ਨੂੰ ਤੁਰੰਤ ਸੀਲ ਕਰ ਦਿੱਤਾ ਗਿਆ।
• Burger King: ਮੇਓਨੀਜ਼ (Mayonnaise) ਦੇ ਸੈਂਪਲ ਵਿੱਚ ਬੈਕਟੀਰੀਆ ਦੀ ਮੌਜੂਦਗੀ ਦੀ ਪੁਸ਼ਟੀ ਹੋਈ.
• Domino’s: ਇਸ ਬ੍ਰਾਂਡ ਨੇ ਐਕਸਪਾਇਰੀ ਡੇਟ (expiry date) ਉੱਤੇ ਨਵਾਂ ਸਟਿੱਕਰ ਚਿਪਕਾ ਕੇ ਗਾਹਕਾਂ ਨੂੰ ਗੁੰਮਰਾਹ ਕਰਨ ਦੀ ਕੋਸ਼ਿਸ਼ ਕੀਤੀ।
• Pizza Hut: ਸੌਸ ਵਿੱਚ ਗੈਰ-ਖੁਰਾਕੀ-ਗ੍ਰੇਡ (non-food grade) ਸਮੱਗਰੀ ਦੀ ਵਰਤੋਂ ਪਾਈ ਗਈ।
• Barista: ਕੌਫੀ ਵਿੱਚ ਵਰਤੀ ਜਾਣ ਵਾਲੀ ਬਰਫ਼ ਵਿੱਚ ਵੀ ਬੈਕਟੀਰੀਆ ਪਾਏ ਗਏ।
• Haldiram’s: ਨਮਕੀਨ ਬਣਾਉਣ ਲਈ ਘਟੀਆ ਗੁਣਵੱਤਾ ਵਾਲੇ ਤੇਲ ਦੀ ਵਰਤੋਂ ਕੀਤੀ ਗਈ।
• ਛੱਪਨ ਭੋਗ: ਇਸ ਮਿਠਾਈ ਦੀ ਦੁਕਾਨ ਦੇ ਮਾਵੇ (milk solids) ਵਿੱਚ ਮਿਲਾਵਟ ਦੀ ਪੁਸ਼ਟੀ ਹੋਈ ਹੈ ਅਤੇ ਜਾਂਚ ਅਜੇ ਜਾਰੀ ਹੈ।
• Wow Momo: ਮੋਮੋ ਦੇ ਪਾਣੀ ਤੋਂ ਬਦਬੂ ਆਉਣ ਅਤੇ ਸਫ਼ਾਈ ਦੀ ਕਮੀ ਦੇ ਕਾਰਨ ਿਸ ਜਾਰੀ ਕੀਤਾ ਗਿਆ।
ਖੁਰਾਕ ਸੁਰੱਖਿਆ ਵਿਭਾਗ ਨੇ ਇਨ੍ਹਾਂ ਸਾਰੇ ਅਦਾਰਿਆਂ ਨੂੰ ਿਸ ਭੇਜ ਦਿੱਤੇ ਹਨ ਅਤੇ ਕਈਆਂ ਵਿਰੁੱਧ ਸਖ਼ਤ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਵਿਭਾਗ ਨੇ ਖਪਤਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਸ਼ੱਕੀ ਖਾਣ-ਪੀਣ ਵਾਲੀ ਸਮੱਗਰੀ ਬਾਰੇ ਤੁਰੰਤ ਜਾਣਕਾਰੀ ਦੇਣ ਅਤੇ ਆਪਣੀ ਖੁਰਾਕ ਵਿੱਚ ਸਾਵਧਾਨੀ ਵਰਤਣ।
Credit : www.jagbani.com
