ਗੈਜੇਟ ਡੈਸਕ- ਵਟਸਐਪ 'ਤੇ ਕਈ ਵਾਰ ਗਲਤੀ ਨਾਲ ਮਹੱਤਵਪੂਰਨ ਚੈਟਸ ਡਿਲੀਟ ਹੋ ਜਾਂਦੀਆਂ ਹਨ, ਜਿਸ ਨਾਲ ਯੂਜ਼ਰਜ਼ ਨੂੰ ਕਾਫੀ ਪਰੇਸ਼ਾਨੀ ਹੁੰਦੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵਟਸਐਪ ਦੀ ਕਲਾਊਡ ਬੈਕਅਪ ਸਹੂਲਤ ਨਾਲ ਡਿਲੀਟ ਹੋਈ ਚੈਟ, ਤਸਵੀਰਾਂ ਅਤੇ ਡਾਕਿਊਮੈਂਟਸ ਨੂੰ ਆਸਾਨੀ ਨਾਲ ਰਿਕਵਰ ਕੀਤਾ ਜਾ ਸਕਦਾ ਹੈ। ਬਸ ਕੁਝ ਆਸਾਨ ਸਟੈੱਪਸ ਅਤੇ ਇਕ ਸਾਧਾਰਣ ਟ੍ਰਿਕ ਅਪਣਾਉਣ ਨਾਲ ਇਹ ਸੰਭਵ ਹੈ।
ਕਿਵੇਂ ਕੰਮ ਕਰਦਾ ਹੈ ਵਟਸਐਪ ਦਾ ਕਲਾਊਡ ਬੈਕਅਪ
ਵਟਸਐਪ ਸਮੇਂ-ਸਮੇਂ 'ਤੇ ਤੁਹਾਡੀ ਚੈਟਸ ਦਾ ਬੈਕਅਪ ਗੂਗਲ ਡ੍ਰਾਈਵ (ਐਂਡਰਾਇਡ ਯੂਜ਼ਰਜ਼) ਅਤੇ ਆਈਕਲਾਊਡ (ਆਈਫੋਨ ਯੂਜ਼ਰਜ਼) 'ਤੇ ਕਰਦਾ ਹੈ। ਇਹ ਬੈਕਅਪ ਤਾਂ ਹੀ ਮਦਦਗਾਰ ਹੋਵੇਗਾ ਜਦੋਂ ਉਹ ਮੈਸੇਜ ਡਿਲੀਟ ਹੋਣ ਤੋਂ ਪਹਿਲਾਂ ਤਿਆਰ ਕੀਤਾ ਗਿਆ ਹੋਵੇ। ਇਸ ਲਈ ਬੈਕਅਪ ਦੀ ਤਰੀਕ ਅਤੇ ਸਮੇਂ ਦੀ ਜਾਂਚ ਕਰਨਾ ਬੇਹੱਦ ਜ਼ਰੂਰੀ ਹੈ। ਬੈਕਅਪ ਡਾਟਾ 'ਚ ਤੁਹਾਡੀ ਚੈਟਸ ਦੇ ਨਾਲ-ਨਾਲ ਫੋਟੋ ਅਤੇ ਫਾਈਲਾਂ ਵੀ ਸ਼ਾਮਲ ਹੁੰਦੀਆਂ ਹਨ।
ਐਂਡਰਾਇਡ ਯੂਜ਼ਰਜ਼ ਲਈ ਰਿਕਵਰੀ ਦਾ ਤਰੀਕਾ
ਐਂਡਰਾਇਡ ਫੋਨ 'ਚ ਵਟਸਐਪ ਖੋਲ੍ਹੋ ਅਤੇ Settings > Chats > Chat backup 'ਚ ਜਾ ਕੇ ਬੈਕਅਪ ਦੀ ਤਰੀਕ ਦੇਖੋ। ਜੇਕਰ ਬੈਕਅਪ ਮੈਸੇਜ ਡਿਲੀਟ ਹੋਣ ਤੋਂ ਪਹਿਲਾਂ ਦਾ ਹੈ ਤਾਂ ਵਟਸਐਪ ਨੂੰ ਅਨਇੰਸਟਾਲ ਕਰੋ ਅਤੇ ਫਿਰ ਤੋਂ ਇੰਸਟਾਲ ਕਰੋ। ਇਸ ਦੌਰਾਨ ਤੁਹਾਨੂੰ “Restore” ਦਾ ਆਪਸ਼ਨ ਦਿਖਾਈ ਦੇਵੇਗਾ। ਧਿਆਨ ਰਹੇ ਕਿ ਉਹੀ ਗੂਗਲ ਅਕਾਊਂਟ ਅਤੇ ਫੋਨ ਨੰਬਰ ਇਸਤੇਮਾਲ ਕੀਤਾ ਜਾਵੇ ਜੋ ਪਹਿਲਾਂ ਇਸਤੇਮਾਲ ਹੋਇਆ ਸੀ।
iPhone ਯੂਜ਼ਰਜ਼ ਲਈ ਰਿਕਵਰੀ ਦਾ ਤਰੀਕਾ
iPhone 'ਤੇ ਵੀ ਪ੍ਰਕਿਰਿਆ ਲਗਭਗ ਸਮਾਨ ਹੈ। ਵਟਸਐਪ 'ਚ ਜਾ ਕੇ ਆਈਕਲਾਊਡ ਬੈਕਅਪ ਦੀ ਤਰੀਕ ਚੈੱਕ ਕਰੋ। ਇਸਤੋਂ ਬਾਅਦ ਐਪ ਨੂੰ ਅਨਇੰਸਟਾਲ ਕਰੋ ਅਤੇ ਐਪ ਸਟੋਰ ਤੋਂ ਮੁੜ ਐਪ ਇੰਸਟਾਲ ਕਰੋ। ਨੰਬਰ ਵੈਰੀਫਾਈ ਕਰਨ ਤੋਂ ਬਾਅਦ ‘Restore Chat History’ ਦਾ ਆਪਸ਼ਨ ਚੁਣੋ। ਇਸ ਨਾਲ ਤੁਹਾਡੀ ਪੁਰਾਣੀ ਚੈਟ ਦੁਬਾਰਾ ਫੋਨ 'ਚ ਲੋਡ ਹੋ ਜਾਵੇਗੀ।
ਬੈਕਅਪ ਰਿਸਟੋਰ ਕਰਨ 'ਤੇ ਬੈਕਅਪ ਤੋਂ ਬਾਅਦ ਆਉਣ ਵਾਲੇ ਮੈਸੇਜ ਗਾਇਬ ਹੋ ਸਕਦੇ ਹਨ। ਵਟਸਐਪ ਸਿਰਫ ਇਕ ਹੀ ਕਲਾਊਡ ਬੈਕਅਪ ਸਟੋਰ ਕਰਦਾ ਹੈ, ਇਸ ਲਈ ਪੁਰਾਣੇ ਬੈਕਅਪ ਦਾ ਓਵਰਰਾਈਟ ਹੋਣਾ ਸੰਭਵ ਹੈ। ਚੈਟਸ ਰਿਕਵਰ ਕਰਨ ਲਈ ਓਹੀ ਫੋਨ ਨੰਬਰ ਅਤੇ ਅਕਾਊੰਟ ਹੋਣਾ ਜ਼ਰੂਰੀ ਹੈ ਜੋ ਬੈਕਅਪ ਦੇ ਸਮੇਂ ਇਸਤੇਮਾਲ ਹੋਇਆ ਸੀ।
Credit : www.jagbani.com
