ਈਰਾਨ 'ਤੇ ਅਮਰੀਕਾ ਦਾ ਵੱਡਾ ਹਮਲਾ: ਹੋਰਮੁਜ਼ ਨੇੜੇ ਬਾਰੂਦੀ ਸੁਰੰਗਾਂ ਵਿਛਾ ਰਹੀਆਂ ਕਿਸ਼ਤੀਆਂ ਕੀਤੀਆਂ ਤਬਾਹ

ਤਹਿਰਾਨ : ਖਾੜੀ ਖੇਤਰ ਵਿੱਚ ਤਣਾਅ ਉਸ ਸਮੇਂ ਹੋਰ ਵਧ ਗਿਆ, ਜਦੋਂ ਮੰਗਲਵਾਰ ਤੜਕੇ ਅਮਰੀਕੀ ਫ਼ੌਜ ਨੇ ਦੱਖਣੀ ਈਰਾਨ ਵਿੱਚ ਸਥਿਤ ਈਰਾਨੀ ਫੌਜੀ ਟਿਕਾਣਿਆਂ ਅਤੇ ਕਿਸ਼ਤੀਆਂ 'ਤੇ ਜ਼ਬਰਦਸਤ ਹਵਾਈ ਹਮਲੇ ਕੀਤੇ। ਅਮਰੀਕੀ ਸੈਂਟਰਲ ਕਮਾਂਡ (CENTCOM) ਅਨੁਸਾਰ, ਇਹ ਕਾਰਵਾਈ ਅਮਰੀਕੀ ਸੈਨਿਕਾਂ ਅਤੇ ਜੰਗੀ ਜਹਾਜ਼ਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ 'ਸਵੈ-ਰੱਖਿਆ' (Self-defense) ਤਹਿਤ ਕੀਤੀ ਗਈ। 

ਬਾਰੂਦੀ ਸੁਰੰਗਾਂ ਵਿਛਾ ਰਹੀਆਂ ਕਿਸ਼ਤੀਆਂ ਕੀਤੀਆਂ ਤਬਾਹ 

ਅਮਰੀਕੀ ਅਧਿਕਾਰੀਆਂ ਨੇ ਦਾਅਵਾ ਕੀਤਾ ਕਿ ਇਹ ਕਾਰਵਾਈ ਉਦੋਂ ਸ਼ੁਰੂ ਹੋਈ ਜਦੋਂ ਈਰਾਨੀ ਰੈਵੋਲਿਊਸ਼ਨਰੀ ਗਾਰਡ ਕੋਰ (IRGC) ਦੀਆਂ ਦੋ ਕਿਸ਼ਤੀਆਂ ਨੂੰ ਸਟ੍ਰੇਟ ਆਫ ਹੋਰਮੁਜ਼ ਵਿੱਚ ਗੈਰ-ਕਾਨੂੰਨੀ ਤਰੀਕੇ ਨਾਲ ਬਾਰੂਦੀ ਸੁਰੰਗਾਂ (mines) ਵਿਛਾਉਂਦੇ ਹੋਏ ਦੇਖਿਆ ਗਿਆ। ਅਮਰੀਕੀ ਨੌਸੈਨਾ ਅਤੇ ਹਵਾਈ ਸੈਨਾ ਨੇ ਤੁਰੰਤ ਜਵਾਬੀ ਕਾਰਵਾਈ ਕਰਦਿਆਂ ਦੋਵਾਂ ਕਿਸ਼ਤੀਆਂ ਨੂੰ ਮੌਕੇ 'ਤੇ ਹੀ ਤਬਾਹ ਕਰ ਦਿੱਤਾ।

ਬੰਦਰ ਅੱਬਾਸ 'ਚ ਮਿਜ਼ਾਈਲ ਸਾਈਟ 'ਤੇ ਹਮਲਾ 

ਸਮੁੰਦਰੀ ਕਾਰਵਾਈ ਦੇ ਨਾਲ-ਨਾਲ ਅਮਰੀਕੀ ਸੈਨਾ ਨੇ ਬੰਦਰ ਅੱਬਾਸ ਖੇਤਰ ਵਿੱਚ ਇੱਕ ਸਰਫੇਸ-ਟੂ-ਏਅਰ ਮਿਜ਼ਾਈਲ (SAM) ਸਾਈਟ ਨੂੰ ਵੀ ਨਿਸ਼ਾਨਾ ਬਣਾਇਆ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਮਿਜ਼ਾਈਲ ਸਾਈਟ ਨੇ ਅਮਰੀਕੀ ਲੜਾਕੂ ਜਹਾਜ਼ਾਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਜਿਸ ਦੇ ਜਵਾਬ ਵਿੱਚ ਅਮਰੀਕਾ ਨੇ ਮਿਜ਼ਾਈਲ ਲਾਂਚਰ ਅਤੇ ਸਬੰਧਤ ਫੌਜੀ ਢਾਂਚੇ ਨੂੰ ਉਡਾ ਦਿੱਤਾ। ਈਰਾਨੀ ਮੀਡੀਆ ਨੇ ਬੰਦਰ ਅੱਬਾਸ, ਸੀਰਿਕ ਅਤੇ ਜਾਸਕ ਦੇ ਨੇੜੇ ਕਈ ਧਮਾਕਿਆਂ ਦੀ ਪੁਸ਼ਟੀ ਕੀਤੀ ਹੈ। 

ਜੰਗ ਨੂੰ ਵਧਾਉਣ ਦਾ ਇਰਾਦਾ ਨਹੀਂ : ਅਮਰੀਕਾ 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Credit : www.jagbani.com