ਵੈੱਬ ਡੈਸਕ- ਸਰਦੀਆਂ ਦੀਆਂ ਠੰਡੀ ਹਵਾਵਾਂ ਅਤੇ ਠੰਡੇ ਪਾਣੀ ਦਾ ਡਰ ਬਹੁਤ ਸਾਰੇ ਲੋਕਾਂ ਨੂੰ ਰੋਜ਼ ਨਹਾਉਣ ਤੋਂ ਦੂਰ ਕਰ ਦਿੰਦਾ ਹੈ। ਕਈ ਲੋਕ ਇਕ ਦਿਨ ਛੱਡ ਕੇ ਨਹਾਉਂਦੇ ਹਨ, ਤਾਂ ਕਈ ਤਾਂ ਹਫ਼ਤਾ ਲੰਘ ਜਾਣ ‘ਤੇ ਵੀ ਪਾਣੀ ਨਾਲ ਦੋਸਤੀ ਨਹੀਂ ਕਰਦੇ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਜੇ ਤੁਸੀਂ 7 ਦਿਨ ਲਗਾਤਾਰ ਨਹੀਂ ਨਹਾਉਂਦੇ ਤਾਂ ਇਸ ਨਾਲ ਤੁਹਾਡੀ ਚਮੜੀ ਅਤੇ ਸਰੀਰ ‘ਤੇ ਕਿਹੜੇ ਨੁਕਸਾਨਦਾਇਕ ਪ੍ਰਭਾਵ ਪੈਂਦੇ ਹਨ?
ਚਮੜੀ ਸੰਬੰਧੀ ਸਮੱਸਿਆਵਾਂ ਵਧਣ ਦਾ ਖਤਰਾ
7 ਦਿਨ ਨਾ ਨਹਾਉਣ ਨਾਲ ਚਮੜੀ 'ਤੇ ਪਸੀਨਾ, ਧੂੜ ਅਤੇ ਤੇਲ ਇਕੱਠਾ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਇਹ ਮਿਲ ਕੇ ਚਮੜੀ 'ਚ ਜਲਣ, ਖਾਰਸ਼, ਐਲਰਜੀ ਅਤੇ ਇਨਫੈਕਸ਼ਨ ਦਾ ਕਾਰਨ ਬਣ ਸਕਦੇ ਹਨ। ਡੈੱਡ ਸਕਿਨ ਸੈੱਲਜ਼ ਜ਼ਿਆਦਾ ਜੰਮਣ ਕਰਕੇ ਹਾਈਪਰਪਿਗਮੈਂਟੇਸ਼ਨ ਅਤੇ ਰੈਸ਼ਜ਼ ਦੀ ਸਮੱਸਿਆ ਵੀ ਵਧ ਸਕਦੀ ਹੈ। ਸੋਰੀਆਸਿਸ ਵਰਗੀ ਸਮੱਸਿਆ ਵਧ ਸਕਦੀ ਹੈ ਜਾਂ ਖਾਰਸ਼ ਹੋ ਸਕਦੀ ਹੈ।
ਬੈਕਟੀਰੀਆ ਅਤੇ ਫੰਗਸ ਇਨਫੈਕਸ਼ਨ ਦਾ ਜ਼ੋਖਮ
ਨਹਾਉਣ ਨਾਲ ਸਰੀਰ 'ਤੇ ਜੰਮੀ ਗੰਦਗੀ ਅਤੇ ਬੈਕਟੀਰੀਆ ਦੀ ਸਫ਼ਾਈ ਹੁੰਦੀ ਹੈ, ਪਰ 7 ਦਿਨ ਨਾ ਨਹਾਉਣ ਨਾਲ ਇਹ ਬੈਕਟੀਰੀਆ ਤੇਜ਼ੀ ਨਾਲ ਵਧਣ ਲੱਗਦੇ ਹਨ। ਇਸ ਨਾਲ ਸਕਿਨ ਇਨਫੈਕਸ਼ਨ, ਫੰਗਲ ਇਨਫੈਕਸ਼ਨ, ਸਕਿਨ ਰੈਸ਼ ਅਤੇ ਖੋਪੜੀ (ਸਕੈਲਪ) ‘ਤੇ ਡੈਂਡਰਫ ਦੀ ਸਮੱਸਿਆ ਉਭਰ ਸਕਦੀ ਹੈ।
ਇਮਿਊਨਿਟੀ ਕਮਜ਼ੋਰ ਹੋਣ ਦੀ ਸੰਭਾਵਨਾ
ਸਰਦੀਆਂ 'ਚ ਨਾ ਨਹਾਉਣਾ ਸਰੀਰ ਦੀ ਕੁਦਰਤੀ ਸਫਾਈ ਪ੍ਰਕਿਰਿਆ ਨੂੰ ਰੋਕ ਦਿੰਦਾ ਹੈ, ਜਿਸ ਨਾਲ ਇਮਿਊਨ ਸਿਸਟਮ ਕਮਜ਼ੋਰ ਹੋ ਸਕਦਾ ਹੈ। ਗੰਦਗੀ ਅਤੇ ਬੈਕਟੀਰੀਆ ਇਕੱਠੇ ਹੋਣ ਨਾਲ ਸਰੀਰ ‘ਚ ਥਕਾਵਟ, ਭਾਰੀਪਨ ਅਤੇ ਸੁਸਤੀ ਮਹਿਸੂਸ ਹੋਣ ਲੱਗਦੀ ਹੈ।
– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
Credit : www.jagbani.com
