ਨਵੀਂ ਦਿੱਲੀ- ਮਿਡਲ ਈਸਟ 'ਚ ਚੱਲ ਰਹੇ ਤਣਾਅ ਅਤੇ ਊਰਜਾ ਸੰਕਟ ਵਿਚਾਲੇ ਭਾਰਤ ਨੂੰ ਊਰਜਾ ਸੁਰੱਖਿਆ ਦੇ ਮਾਮਲੇ 'ਚ ਇੱਕ ਬਹੁਤ ਵੱਡੀ ਰਣਨੀਤਕ ਸਫ਼ਲਤਾ ਮਿਲੀ ਹੈ। ਯੂ.ਏ.ਈ. ਦੀ ਸਰਕਾਰੀ ਤੇਲ ਕੰਪਨੀ ਅਬੂ ਧਾਬੀ ਨੈਸ਼ਨਲ ਆਇਲ ਕੰਪਨੀ (ADNOC) ਭਾਰਤ ਦੇ ਅੰਦਰ ਆਪਣੇ ਕੱਚੇ ਤੇਲ ਦੇ ਭੰਡਾਰਨ ਦੇ ਦਾਇਰੇ ਨੂੰ ਵੱਡੇ ਪੱਧਰ 'ਤੇ ਵਧਾਉਣ ਲਈ ਸਹਿਮਤ ਹੋ ਗਈ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਹਾਲੀਆ ਯੂ.ਏ.ਈ. ਦੌਰੇ ਦੌਰਾਨ ਇਸ ਇਤਿਹਾਸਕ ਸਮਝੌਤੇ ਨੂੰ ਅੰਤਿਮ ਰੂਪ ਦਿੱਤਾ ਗਿਆ, ਜਿਸ ਦੇ ਤਹਿਤ ADNOC ਭਾਰਤ ਦੀਆਂ ਅੰਡਰਗ੍ਰਾਊਂਡ ਸਟੋਰੇਜ ਫੈਸਿਲਿਟੀ 'ਚ ਲਗਭਗ 30 ਮਿਲੀਅਨ (3 ਕਰੋੜ) ਬੈਰਲ ਰਣਨੀਤਕ ਕੱਚਾ ਤੇਲ ਰਿਜ਼ਰਵ ਰੱਖੇਗਾ।
ਇਸ ਸਾਂਝੇਦਾਰੀ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਭਾਰਤ ਨੂੰ ਬਿਨਾਂ ਕੋਈ ਵੱਡੀ ਰਕਮ ਖ਼ਰਚ ਕੀਤੇ ਆਪਣੇ ਦੇਸ਼ ਵਿੱਚ ਤੇਲ ਦਾ ਵਿਸ਼ਾਲ ਭੰਡਾਰ ਮਿਲ ਰਿਹਾ ਹੈ। ਕਿਸੇ ਵੀ ਕੌਮਾਂਤਰੀ ਸੰਕਟ ਜਾਂ ਸਪਲਾਈ ਪ੍ਰਭਾਵਿਤ ਹੋਣ ਦੀ ਸੂਰਤ ਵਿੱਚ, ਭਾਰਤ ਕੋਲ ਇਸ ਤੇਲ ਦੀ ਵਰਤੋਂ ਕਰਨ ਦਾ ਪਹਿਲਾ ਅਧਿਕਾਰ ਹੋਵੇਗਾ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
Credit : www.jagbani.com
